केडगाव : शिक्षक महासंघाची विशेष सर्वसाधारण सभा सिताराम सारडा शाळेत राज्य कार्यकारिणी निवडीसाठी आयोजित करण्यात आली होती. सभेत सर्वानुमते कांता रंगनाथ तुंगार यांची राज्या अध्यक्षपदी तर नंदकुमार हंबर्डे यांची राज्य कार्यकारिणी सदस्यपदी निवड करण्यात आली.
सभेचे कामकाज निवडणूक निर्णय अधिकारी ॲडव्होकेट एन. एम. हराळे यांच्या अध्यक्षतेखाली झाले. मार्गदर्शक म्हणून ॲड. जयदीप देशपांडे यांनी काम पाहिले.
राज्यातील अनेक जिल्ह्यातून महासंघाचे पदाधिकारी सदस्य सभेसाठी उपस्थित होते. महासंघाचे हे सुवर्ण महोत्सवी वर्ष आहे. त्यात दुग्धशर्करा योग म्हणजे तुंगार सरांच्या अध्यक्षपदी निवडीने नगर जिल्ह्याला मोठा मान मिळाल्याचे मत अनेकांनी व्यक्त केले. वर्षभर विविध नाविन्यपूर्ण शैक्षणिक उपक्रमांनी हे वर्ष साजरे करण्याची सभेत ठरले.
सभा यशस्वीतेसाठी कांता तुंगार, रघुनाथ ठोंबरे, विठ्ठल उरमुडे, नंदकुमार हंबर्डे, विठ्ठल तिवारी, राहुल बोरुडे, शेखर मुंडे, बी. एम. सूर्यवंशी, पी. बी. पाटील सर्व जिल्हा पदाधिकारी आदींनी परिश्रम घेतले.