अहमदनगर : अहमदनगर शहराच्या स्थापना दिनानिमित्त नगर जल्लोषच्या वतीने ५३१ झाडे लावण्याचा संकल्प करण्यात आला असून, वृक्ष लागवडीचा प्रारंभ नुकताच करण्यात आला.
सिद्धीबाग येथे अहमदनगर स्थापना दिनानिमित्त नगर जल्लोष परिवाराच्या वतीने ५३१ वृक्ष लागवड मोहिमेचा प्रारंभ उपमहापौर मालन ढोणे व ॲड. धनंजय जाधव यांच्या हस्ते करण्यात आला. यावेळी ट्रस्टचे अध्यक्ष सागर बोगा, अभिजित ढोणे, ज्येष्ठ नागरिक कैलास ढोरे, नारायण चिलका, पुरुषोत्तम बोगा, उल्हास ढोरे, राकेश बोगा, उद्यानप्रमुख उद्धव म्हसे, संतोष साळवे, राहुल मुथा, सोनू बोरुडे, आदी उपस्थित होते.
यावेळी जाधव म्हणाले की, नगर जल्लोष नेहमीच सकारात्मक दृष्टिकोनातून विविध उपक्रम राबवीत आहे. अहमदनगर स्थापना दिनानिमित्त शहरात नगरजल्लोष परिवाराने ५३१ झाडे लावण्याचा संकल्प केला आहे. या उपक्रमात शहरातील नागरिकांनी सहभाग घ्यावा, असे आवाहन जाधव यांनी केले.