पारनेर : तालुक्यातील निघोज येथील माजी सरपंच संदीप वराळ बहुचर्चित खून हत्याकांडातील २ वर्षे फरार आरोपी स्वप्नील धोंधिभाऊ रसाळ यास पारनेर पोलिसांनी अटक केली.निघोजचे माजी सरपंच संदीप वराळ यांचा दोन वर्षांपूर्वी खून झाला होता. यातील प्रमुख सूत्रधार व कुख्यात गुंड प्रवीण रसाळ सह सुमारे दहा ते बारा जणांना यापूर्वी अटक करण्यात आली होती. यातील स्वप्नील रसाळ अद्यापही फरार होता. स्वप्नील हा रसळवाडी, निघोज येथे आला असल्याची माहिती मिळाली. त्यानुसार पारनेरचे पोलिस निरीक्षक बाजीराव पोवार यांच्या मार्गदर्शनाखाली पारनेर पोलीस ठाण्याचे पथकाचे अरविंद भिंगारदिवे, विनोद बोरगे, शिवाजी कावडे यांच्या पथकाने सापळा रचून अटक केली.खंडू भूकन अद्यापही फरारसंदीप वराळ खून प्रकरणातील आणखी एक आरोपी पंचायत समितीचे माजी उपसभापती खंडू भूकन गेल्या दोन वर्षापासून फरार असून पोलिसांना अद्यापही सापडला नाही.
संदीप वराळ खून खटला : आरोपी स्वप्निल रसाळ याला अटक
By लोकमत न्यूज नेटवर्क | Published: May 12, 2019 1:51 PM