पिकअपचा पाठलाग करून गोवंशांना जीवदान

संगमनेर : पिकअप या चारचाकी वाहनात निर्दयतेने गोवंश जनावरे भरून त्यांची वाहतूक करणाºयाला जिल्हा वाहतूक शाखेच्या संगमनेर विभागाच्या पथकाने पाठलाग करून पकडले. ही घटना नाशिक-पुणे महामार्गावर कºहे गावच्या शिवारात बुधवारी ( १७ जून) रात्री आठच्या सुमारास घडली. या प्रकरणी तालुका पोलीस ठाण्यात एकाविरोधात गुन्हा दाखल करण्यात आला आहे.    बबलू गुलाब शेख ( वय २८, रा. कुरण, ता. संगमनेर) असे गुन्हा दाखल झालेल्या व्यक्तीचे नाव आहे. जिल्हा वाहतूक शाखेचे पोलीस हेड कॉँस्टेबल रफियोद्दीन निजामोद्दीन शेख यांनी दिलेल्या फिर्यादीवरून हा गुन्हा दाखल करण्यात आला आहे.