आॅनलाईन लोकमतवाळकी दि़ २ - नगर तालुक्यातील बाबुर्डी बेंद येथे सलग दुसऱ्या दिवशी नगर-दौंड रस्ता शेतकऱ्यांनी रोखला़ वाहनांची तपासणी करुन दुधाचे टँकर रस्त्यावर ओतून सरकारचा निषेध केला़कर्जमाफीसह विविध मागण्यांसाठी शेतकरी संपावर गेले आहेत़ ठिकठिकाणी शहरांकडे जाणारा भाजीपाला आणि दूध अडविले जात आहे़ नगर-दौंड रस्त्यावर बाबुर्डी बेंद येथे सलग दुसऱ्या दिवसी दुधाचा टँकर रस्त्यावर ओतून सरकारचा निषेध करीत कर्जमाफीची मागणी शेतकऱ्यांनी केली़ यावेळी संजय गिरवले, जिल्हा परिषद सदस्य संदेश कार्ले, माजी जिल्हा परिषद सदस्य बाळासाहेब हराळ, प्रविण कोठुळे, भिवसेन इंगळे, संतोष इंगळे, ज्ञानदेव इंगळे, पोपट गिरवले, मनोज देविकर, रमेश साबळे, सुभाष गिरवले, दत्ता गिरवले, शरद वाडेकर आदींसह शेतकरी उपस्थित होते.
सलग दुसऱ्या दिवसीही दूधाचा रत्यावर पूर
By admin | Published: June 02, 2017 2:05 PM