अहमदनगर : राज्य परिवहन महामंडळातर्फे १ आॅक्टोबर रोजी काकडी विमानतळ ते शिर्डी ही शिवशाही बससेवा सुरू करण्यात येत आहे.शिर्डीत १ आॅक्टोबरला राष्ट्रपतींच्या हस्ते काकडी विमानतळाचे उद्घाटन होत आहे. त्यानंतर लगेच विमानाच्या फे-या सुरू होत आहेत. त्यामुळे काकडी विमानतळ ते शिर्डी (साईसमाधी) या एकूण साडेचौदा किलोमीटर अंतरासाठी परिवहन महामंडळाने शिवशाही ही आरामदायी बस सुरू केली आहे. विमानाच्या फे-यांच्या वेळेनुसार या बसचे वेळापत्रक राहील. त्यामुळे साईसमाधीपर्यंत येणा-या व जाणा-या प्रवाशांची सोय होणार आहे.