बोटा : संगमनेर तालुक्यातील मांडवे बुद्रूक गावच्या हद्दीत मुळा नदीवरील पुलाजवळ ट्रक व दुचाकीच्या झालेल्या अपघातात दुचाकीवरील एक जण ठार तर एक जण जखमी झाला. हा अपघात शनिवारी सकाळी साडे नऊच्या सुमारास झाला असून त्यानंतर अज्ञातांनी हा ट्रक पेटवून दिला आहे.शरद मच्ंिछद्र डोलनर (वय २५, रा. मांडवे बुद्रूक, ता. संगमनेर) असे या अपघातातील मृत्यू झालेल्या व्यक्तीचे तर विठ्ठल नामदेव बाचकर असे जखमी झालेल्या व्यक्तीचे नाव आहे. अपघाताची माहिती मिळताच घारगाव पोलीस ठाण्याचे पोलीस निरीक्षक अंबादास भुसारे हे पोलीस पथकासह घटनास्थळी दाखल झाले. अज्ञात व्यक्तींनी ट्रक पेटवून दिला.
मांडवे बुद्रूक गावच्या हद्दीत ट्रक व दुचाकीचा अपघात : एक ठार तर एक जखमी
By लोकमत न्यूज नेटवर्क | Published: January 27, 2019 11:14 AM