शेवगाव : तालुक्यातील मुदत संपलेल्या ग्रामपंचायतींवर प्रशासकांची नेमणूक करण्यात आली आहे. याबाबतचे आदेश गटविकास अधिकारी महेश डोके यांनी २३ आॅगस्ट रोजी काढले आहेत. नियुक्ती केलेल्या सर्व अधिका-यांना नियुक्तीचे पत्र देण्यात आले आहेत.
तालुक्यातील ३२ ग्रामपंचायतींची मुदत आॅगस्ट महिन्यात संपली आहे. कोरोना संसर्गाच्या पार्श्वभूमीवर ग्रामपंचायतींच्या निवडणुका पुढे ढकलण्यात आल्या आहेत. त्यामुळे मुदत संपलेल्या ग्रामपंचायतचा कारभार आता २० प्रशासकांच्या हाती आला आहे. प्रशासकांना सरपंचांचे सर्वाधिक अधिकार देण्यात आले आहेत. कारभार करताना गैरवर्तन, कसूर केल्यास कारवाई करण्याचे अधिकार जिल्हा परिषद मुख्याधिकारी यांना देण्यात आले आहेत.