चान्नी पोलिसांच्या गाडीला अपघात

चालकाचे नियंत्रण सुटले पातूर तालुक्यातील अपघातात पाच जखमी.

खेट्री (जि. अकोला), दि. ५: पातूर तालुक्यातील चान्नी पोलिसांची पोलीस व्हॅन उलटल्याने तीन पोलीस कर्मचार्‍यांसह दोन आरोपी जखमी झाले. ही घटना सोमवार रोजी सकाळी ११ वाजताच्या सुमारास चरणागाव-चान्नी मार्गावर घडली. प्राणघातक हल्ल्यातील दोन आरोपींना पुढील चौकशीसाठी पातूरवरून चान्नी येथे पोलिसांच्या वाहनाने आणण्यात येत होते. दरम्यान, चरणगाव-चान्नी मार्गावर व्हॅनचे स्टेअरिंग तुटल्याने चालकाचे नियंत्रण सुटले व व्हॅन फरपटत शेतात जाऊन उलटली. या व्हॅनमधील हे.कॉ. विजय काळे व होमगार्ड शेख अखतर, बलदेव काळे हे तीन पोलीस कर्मचारी व आरोपी राहुल मोहन वानखडे, सतीश मोहन वानखडे असे पाच जण जखमी झाले. जखमींना मळसूर प्राथमिक आरोग्य केंद्रात प्रथमोपचार केल्यानंतर हे.कॉ. विजय काळे व होमगार्ड शेख अखतर या दोघांना सवरेपचार रुग्णालय, अकोला येथे हलविण्यात आले. या प्रकरणाची माहिती मिळताच ठाणेदार वैभव पाटील आपल्यार्‍यांसह घटनास्थळी दाखल झाले. त्यांनी जखमींना उपचारार्थ हलवले.