शासकीय वैद्यकीय महाविद्यालयाच्या व्हीआरडीएल लॅबकडून मंगळवारी आरटीपीसीआर चाचण्यांचे ३१७ अहवाल प्राप्त झाले. यापैकी २५ रुग्णांचे अहवाल पॉझिटिव्ह असून, उर्वरित २९२ जणांचे अहवाल निगेटिव्ह आहेत. सकाळी पॉझिटिव्ह अहवाल आलेल्या रुग्णांमध्ये जठारपेठ येथील तीन जण, गोरक्षण रोड, डाबकी रोड, उन्नती नगर, कौलखेड व रामदासपेठ येथील प्रत्येकी दोन, तर बिर्ला कॉलनी, आदर्श कॉलनी, तापडिया नगर, मलकापूर, दीपक चौक व बैदपुरा येथील प्रत्येकी एकाचा समावेश आहे. संध्याकाळी बार्शीटाकळी बस स्टॅण्ड, तारफैल, बाळापूर, खदान, घुसर व कौलखेड येथील रुग्णांचे अहवाल पॉझिटिव्ह आले.
६१ वर्षीय पुरुषाचा मृत्यू
मंगळवारी खासगी रुग्णालयात एकाचा मृत्यू झाला. हा रुग्ण सातव चौक भागातील ६१ वर्षीय पुरुष असून, त्यांना २५ नोव्हेंबर रोजी दाखल करण्यात आले होते.
रॅपिड चाचण्यांमध्ये चार ‘पॉझिटिव्ह’
सोमवारी झालेल्या एकूण ७७ रॅपिड अ‍ॅन्टिजन चाचण्यांमध्ये केवळ चार जणांचे अहवाल पॉझिटिव्ह आले. आतापर्यंत २६३९३ चाचण्यांमध्ये १८३२ जण पॉझिटिव्ह आढळून आले आहेत.
२० जणांना डिस्चार्ज
शासकीय वैद्यकीय महाविद्यालय येथून आठ, आयकॉन हॉस्पिटल येथून सहा, ओझोन हॉस्पिटल येथून तीन, हॉटेल रिजेन्सी येथून एक, बिहाडे हॉस्पिटल येथून दोन अशा एकूण २० जणांना डिस्चार्ज देण्यात आला.
६५९ अ‍ॅक्टिव्ह पॉझिटिव्ह
जिल्ह्यात आतापर्यंत एकूण ९७०९ जणांना कोरोनाची लागण झाली असून, यापैकी तब्बल ८७४९ रुग्णांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत ३०१ जणांचा मृत्यू झाला असून, सद्यस्थितीत ६५९ अ‍ॅक्टिव्ह पॉझिटिव्ह रुग्ण आहेत.