किरकोळ वादातून चौघांवर प्राणघातक हल्ला; ६ जणांना अटक

शेरसिंग ग्यानू पवार (४०) रा.पारधीबेडा शेलू बोंडे यांच्या तक्रारीनुसार, येथील सार्वजनिक बोअरवेलवरून पाणी भरण्यासाठी ते गेले असता, सदर बोअरवेलवरून दुसरीकडे पाणी चालू असता, बोअरची चावी जेसवाल कंट्रोल चव्हाण यांच्याकडे असल्याने, त्याला घरी पाणी सोडण्याची विनंती केली, परंतु घरी पाणीच नसल्याने सदर कॉक आमच्याकडे चालू करून घरी परत आलो असता, जेसवाल कंट्रोल चव्हाण, जारसिंग जेसवाल चव्हाण, किरणबाई जेसवाल चव्हाण, वाल्मिकी नागेश्वर पवार, महेंद्र अंबादास पवार, अंबादास नागेश्वर पवार यांनी घरी येऊन शेरसिंग ग्यानू पवार, संतोष पवार, मितवा पवार, सागर पवार यांच्यावर लाठ्या-काठयांनी व लोखंडी पाइपने प्राणघातक हल्ला केला. या हल्ल्यात शेरसिंग ग्यानू पवार, संतोष पवार. मितवा पवार, सागर पवार हे चौघेजण गंभीर जखमी झाले आहेत. सर्व जखमींना उपचारासाठी अकोला येथील सर्वोपचार रुग्णालयात तर गंभीर जखमी संतोष पवार याची प्रकृती चिंताजनक असल्याने, त्याला खासगी रुग्णालयात दाखल केल्याचे पोलिसांनी सांगितले. या प्रकरणी जेसवाल कंट्रोल चव्हाण, जारसिंग जेसवाल चव्हाण, किरणबाई जेसवाल चव्हाण, वाल्मिकी नागेश्वर पवार, महेंद्र अंबादास पवार, अंबादास नागेश्वर पवार रा.पारधीबेडा शेलू बोंडे यांच्या विरुद्ध ३०७, ३२४, अन्य कलमान्वये गुन्हा दाखल करून त्यांना अटक करण्यात आली आहे. पुढील तपास ठाणेदार रहीम शेख यांच्या मार्गदर्शनाखाली पोलीस उपनिरीक्षक धनंजय रत्नपारखी करीत आहे.