पादचाऱ्यास कारची धडक; एक ठार

अकोला : राष्ट्रीय महामार्गावरील वाशिम बायपासवर पादचाऱ्याला भरधाव कारने धडक दिली. या धडकेत १ जण ठार झाला असून दुसरा गंभीर जखमी झाला आहे.

अकोला : राष्ट्रीय महामार्गावरील वाशिम बायपासवर पादचाऱ्याला भरधाव कारने धडक दिली. या धडकेत १ जण ठार झाला असून दुसरा गंभीर जखमी झाल्याने त्याला रुग्णालयात हलविण्यात आले आहे. ही घटना सोमवारी रात्री उशिरा घडली.वाशिम बायपासवर गंगानगरातील दोघे भाऊ रफीक व अराफत जेवणानंतर शतपावली करत असताना आलेल्या एम.एच. ३० ८०३३ क्रमांकाच्या कारने जबर धडक दिली. यात अराफत यांचा जागीच मृत्यू झाला असून रफीक हे गंभीर जखमी झाले आहेत. जखमी रफीक यांना नगरसेवक फिरोज खान यांनी सर्वोपचार रुग्णालयात दाखल केले. त्यांच्यावर तेथे उपचार सुरु आहेत. दरम्यान अपघात झाल्यानंतर राष्ट्रीय महामार्गावर वाहतुकीची कोंडी झाल्याने बराच वेळ वाहतूक खोळंबली होती. पोलिसांनी रात्री उशिरापर्यंत वाहतुक सुरळीत केली. यासंदर्भात पोलिसांची गुन्हा दाखल करण्याची प्रक्रिया सुरु होती.