अकोला : मध्यंतरी लग्नकार्य व इतर कार्यक्रम व्हायला लागले होते. मात्र, गेल्या काही दिवसांपासून मर्यादित उपस्थितीचे बंधन लागू करण्यात आल्याने मंगल कार्यालयांचे संचालक अडचणीत सापडले.
फिजिकल डिस्टन्सिंगचा फज्जा!
अकोला : जिल्ह्यात सार्वजनिक वितरण प्रणालीअंतर्गत वितरित करण्यात येणारे धान्य घेण्यासाठी शिधापत्रिकाधारकांची गर्दी होत आहे. यामुळे फिजिकल डिस्टन्सिंगचा फज्जा उडून, कोरोना संसर्गास वाव मिळत आहे.
टरबूज मातीमाेल
अकोला : काेराेना संसर्गामुळे काही तास वगळता बाजारपेठ बंद राहत आहे. त्यामुळे टरबूजचे पीक भरघोस येऊनही मातीमाेल भावात विकण्याची वेळ शेतकऱ्यांवर आली आहे.
अकोल्याचे तापमान ४२.२ अंश सेल्सिअस
अकोला : चक्रीवादळ व ढगाळ वातावरणामुळे जिल्ह्यातील तापमानात सतत चढ-उतार होत आहे. शनिवारी जिल्ह्यात ४२.२ अंश सेल्सिअस तापमानाची नोंद झाली. दोन दिवसांत तापमानात किंचित वाढ झाली आहे.
मान्सूनपूर्व पाऊस बरसणार!
अकोला : जिल्ह्यात कमी दाबाचा पट्टा निर्माण झाला आहे. त्यामुळे पुढील तीन-चार दिवस मान्सूनपूर्व पाऊस बरसणार असल्याचा अंदाज हवामान विभागाने व्यक्त केला आहे. वादळी वारा सुटणार असल्याने, शेतकऱ्यांनी मशागतीची कामे करताना काळजी घ्यावी.