तेल्हारा : शहरातील मानकर चौकात भट्टीतील गरम तेल चेहºयावर ओतून एकास जीवे मारण्याचा प्रयत्न करण्यात आला. ही घटना १० मार्च रोजी घडली. याप्रकरणी तेल्हारा पोलिसांनी १३ मार्च रोजी दोन आरोपींविरुद्ध गुन्हा दाखल करण्यात आला आहे.विकी दामोदर खोटरे हा १० मार्च रोजी मानकर चौकातील एका दुकानात उभा होता. यावेळी तेथे हरिदास इंगळे व दुकान मालकाने त्यास हटकले. तसेच वाद घालून त्याला दुकानात ओढत आणले. तेथे सुरू असलेल्या भट्टीतील गरम तेल त्याच्या तोंडावर टाकून जीवे मारण्याचा प्रयत्न केला. तसेच त्याच्या गळ्यातील सोन्याची चेन, मोबाइल हिसकावला व शिवीगाळ करून जीवे मारण्याची धमकी दिली. याप्रकरणी तेल्हारा पोलिसांनी दोन्ही आरोपींविरुद्ध गुन्हा दाखल केला आहे. पुढील तपास ठाणेदार विकास देवरे करीत आहेत. (तालुका प्रतिनिधी)
गरम तेल चेहऱ्यावर ओतून जीवे मारण्याचा प्रयत्न
By लोकमत न्यूज नेटवर्क | Published: March 14, 2020 12:02 PM