बोरगाव मंजू, दि. २२- भरधाव जीपने दुचाकीस धडक दिल्याने एक जण ठार झाल्याची घटना राष्ट्रीय महामार्गावरील वाशिंबाजवळ २२ ऑक्टोबर रोजी दुपारी पाच वाजता घडली. अकोलाकडून कंपनीची नवी जीप बोरगाव मंजूकडे येत होती. दरम्यान, वाशिंब्याजवळ ओव्हरटेक करण्याच्या प्रयत्न ात जीपने वाशिंबा येथील पेट्रोल पंपासमोर समोरून येणार्या दुचाकी क्र.एमएच ३0 एएल १२८४ ला जबर धडक दिली.यामध्ये दुचाकीस्वार किसन नारायण सावरकर हे गंभीर जखमी झाले. त्यांना मूर्तिजापूर येथील गुलाब दुबे यांनी सवरेपचार रुग्णालयात दाखल केले. उपचारादरम्यान किसन सावरकर यांचा मृत्यू झाला. सावरकर हे शिवणी येथील गायत्री नगरातील रहिवासी होते; तसेच ते पंजाबराव देशमुख कृषी विद्यापीठात लिपिक पदावरून सेवानवृत्त झाले होते. ते अमरावती विभागीय ग्रंथालय संघटनेचे कार्याध्यक्ष होते. घटनास्थळावरुन जीपचालकाने पळ काढला. वाशिंबा बस स्थानकाजवळ लोकांनी पकडल्याने चालक गाडी सोडून पळून गेला.
जीपची दुचाकीस धडक; एक ठार
By admin | Published: October 23, 2016 2:15 AM