अकोला - मध्य रेल्वेच्या पुणे विभागातील सातारा - कोरेगाव स्थानकादरम्यान तांत्रिक कामामुळे या मार्गावरील गाड्यांचे आवागमन २७ व २८ फेब्रुवारी रोजी बंद करण्यात आले आहे. परिणामी कोल्हापूर ते गोंदियादरम्यान धावणारी महाराष्ट्र एक्स्प्रेस दोन दिवस पुणे ते गोंदिया व गोंदिया ते पुणे स्थानकांपर्यंतच धावणार आहे.
मध्य रेल्वेच्या सुत्रांकडून प्राप्त माहितीनुसार, २७ फेब्रुवारी रोजी गोंदियाहून निघणारी गाडी क्रमांक ११०४० गोंदिया - कोल्हापूर महाराष्ट्र एक्स्प्रेस पुणे स्थानकापर्यंतच धावेल. ही गाडी पुणे ते कोल्हापूर रद्द करण्यात आली आहे, तर २८ फेब्रुवारी रोजी कोल्हापूरहून सुटणारी ११०३९ कोल्हापूर - गोंदिया महाराष्ट्र एक्स्प्रेस ही पुणे स्थानकावरून गोंदियासाठी निघणार आहे. ही गाडी कोल्हापूर ते पुणे रद्द करण्यात आली आहे. ऐनवेळी ही गाडी रद्द करण्यात आल्यामुळे प्रवाशांची गैरसोय होणार आहे.