शहरं
Join us  
Trending Stories
1
सत्ताधारी सत्तेसाठी खालच्या थराला जात आहेत; देशमुखांवरील हल्ल्यानंतर शरद पवारांचा संताप
2
भाजपावर हल्लाबोल, मनसेची काढली लायकी; अबु आझमींचं कौतुक, संजय राऊत सभेत कडाडले
3
'राहुलजी! आम्ही आणलेली गुंतवणूक बघा'; देवेंद्र फडणवीस यांनी दिले आव्हान
4
ब्राझीलमध्ये नरेंद्र मोदी आणि जॉर्जिया मेलोनी यांच्यात बैठक, 'या' मुद्द्यांवर झाली चर्चा!
5
कोणत्या पवारांची जादू चालणार? भाजप-शिंदेसेनेला बळ मिळेल का? मविआ- महायुती यांच्यात जोरदार लढत!
6
Maharashtra Election 2024 Live Updates: राज्यात प्रचारतोफा थंडावल्या, आता मतांची तोफ मतदारांच्या हाती!
7
महागड्या कर्जामुळे जनता त्रस्त, बँकांनी व्याजदर कमी करण्याची गरज : निर्मला सीतारामन
8
राहुल गांधींनी कोर्टात हजर राहावे; वीर सावरकर बदनामी प्रकरणी पुणे कोर्टाचे आदेश
9
नवीन कथेसह दाखल झाला 'कांतारा २'चा टीझर, शिव रुपात दिसला ऋषभ शेट्टी
10
आपल्या पैशांची FD करायचा विचार करताय? वापरा 'ही' युक्ती, मिळेल जास्त नफा
11
Maharashtra Vidhan Sabha Election 2024: वर्चस्वाच्या लढाईत मुंबईवर कोणाचे राज्य?; महामुंबईतील लढतींचा लक्ष्यवेध 
12
ISRO-SpaceX ची भागीदारी यशस्वी, Elon Musk यांनी लॉन्च केलं भारताचं सॅटेलाइट; आता प्लेनपासून गावापर्यंत मिळेल नेट!
13
Today Daily Horoscope: आजचे राशीभविष्य: फसव्या व्यवहारामुळे संघर्ष होण्याची शक्यता!
14
नेत्यांच्या प्रचारतोफा थंडावल्या, आता उद्या मतदारांची तोफ चालणार
15
लॉरेन्स बिष्णोईचा भाऊ अनमोल बिष्णोईला अमेरिकेत अटक
16
माजी गृहमंत्री अनिल देशमुख यांच्यावर हल्ला; डोक्याला गंभीर दुखापत
17
मविआचे सरकार आल्यास २,८०,००० रोजगार देणार; मल्लिकार्जुन खरगे यांचे आश्वासन
18
धर्म धोक्यात नाही तर आरक्षण धोक्यात आहे, श्रीकृष्ण आयोग लागू करा -प्रकाश आंबेडकर
19
लुटारू आणि सर्वसामान्य जनता यांच्यातील लढाई; राहुल गांधी यांचा सत्ताधाऱ्यांवर हल्ला
20
हिंसाचारग्रस्त मणिपुरात आणखी ५ हजारांवर जवान करणार तैनात; गृहमंत्री अमित शाहांनी घेतला आढावा

आई-बहिणीच्या हत्याकांडातील आरोपी शर्मा निर्दोष

By admin | Published: June 29, 2016 2:01 AM

रणपिसे नगरमध्ये २0१३ ला घडला होता थरार : २४ साक्षीदारांपैकी अनेक साक्षीदार फितुर.

अकोला: रणपिसे नगरमधील रेणुका अपार्टमेंटमध्ये १८ डिसेंबर २0१३ रोजी घडलेल्या मनपा शिक्षिका ज्योती शर्मा व त्यांची मुलगी राणी शर्मा यांच्या हत्याकांडातील आरोपी त्यांचाच मुलगा आदित्य शर्मा याची जिल्हा व सत्र न्यायालयाने मंगळवारी निर्दोष सुटका केली. या हत्याकांडात घटनास्थळी पुरावे नव्हते तर २४ साक्षीदारांपैकी अनेक साक्षीदार फितुर झाल्याने आरोपीची निर्दोष मुक्तता करण्याचे आदेश जी. जी. भालचंद्र यांच्या न्यायालयाने दिले. रणपिसे नगरातील रेणुका अपार्टमेंट येथील रहिवासी तथा मनपा शाळेच्या शिक्षिका ज्योती गोविंद शर्मा (४८) आणि त्यांची मुलगी राणी ऊर्फ ऐश्‍वर्या गोविंद शर्मा (१९) या माय-लेकीची १८ डिसेंबर २0१३ रोजी गळा चिरून व मुसळ डोक्यात घालून हत्या करण्यात आली होती. तर आदित्य शर्मा याचे मारेकर्‍यांनी अपहरण केल्याचा देखावा करण्यात आला होता; मात्र तत्कालीन जिल्हा पोलीस अधीक्षक वीरेंद्र मिश्र यांच्यासह सिव्हिल लाइन्सचे ठाणेदार प्रकाश सावकार यांनी गोविंद भिखुलाल शर्मा यांच्या तक्रारीवरून अज्ञात मारेकर्‍यांविरुद्ध खुनाचा गुन्हा दाखल केला होता. त्यानंतर पोलिसांना मिळालेल्या माहितीमध्ये ज्योती शर्मा व राणी शर्मा यांची हत्या पती गोविंद शर्मा व त्यांचा मुलगा आदित्य शर्माने केल्याचे समोर आले होते. या प्रकरणी सिव्हिल लाइन्स पोलिसांनी गोविंद शर्मा यांना ताब्यातही घेतले होते तर आदित्य शर्मा फरार असल्याने पोलीस त्याचा शोध घेत होते. घटनेनंतर ३ ते ४ महिन्यानंतर आदित्य शर्मा याला हरिद्वार येथून अटक करण्यात आली होती. या प्रकरणाचा तपास सिव्हिल लाइन्सचे तत्कालीन ठाणेदार सावकार यांच्या मार्गदर्शनामध्ये केल्यानंतर दोषारोपपत्र न्यायालयात सादर करण्यात आले. जिल्हा व सत्र न्यायाधीश जी. जी. भालचंद्र यांच्या न्यायालयाने या प्रकरणात तब्बल २४ साक्षीदार तपासले; मात्र तपास अधिकारी व डॉक्टर वगळता बहुतांश साक्षीदार फितुर झाले तर पुरावे गोळा करण्यात पोलीसही अपयशी ठरल्याचे ताशेरे ओढत न्यायालयाने आदित्य शर्मा याची आई व बहिणीच्या हत्याकांड प्रकरणामध्ये निर्दोष मुक्तता केली. या प्रकरणी आरोपीतर्फे अँड. मोहन मोयल आणि अँड. सत्यनारायण जोशी यांनी कामकाज पाहिले.