दरोड्यातील सहावा आरोपी गजाआड

अकोला: सरकारी बगिच्याजवळ व्यापाऱ्याकडील १५ लाख रुपयांची रोकड लुटणाऱ्या टोळीतील सहावा आरोपी रोशन ताकवाले याला स्थानिक गुन्हे शाखा पोलिसांनी बुधवारी सायंकाळी अटक केली.

लोकमत न्यूज नेटवर्कअकोला: सरकारी बगिच्याजवळ व्यापाऱ्याकडील १५ लाख रुपयांची रोकड लुटणाऱ्या टोळीतील सहावा आरोपी रोशन ताकवाले याला स्थानिक गुन्हे शाखा पोलिसांनी बुधवारी सायंकाळी अटक केली. दरोडा घालण्याच्या प्रयत्नात असलेल्या अंकुश अरुण केवतकर (२३ रा. जुने शहर), राजेश साहेबराव चव्हाण (३२ रा. जुने शहर), रितेश लिंबादास मृर्दुगे (३२ रा. वाशिम बायपास), राकेश दिलीप वाडेकर (३२ रा. जुने शहर), नवीन प्रल्हाद पाली (२४ रा. जुने शहर) आणि रितेश लिंबादास मुर्दुगे (३२ रा. वाशिम बायपास) यांना अटक केली होती. त्यांची कसून चौकशी केल्यानंतर आरोपींनी २0१५ मध्ये खोलेश्वर परिसरातून जाणाऱ्या एका व्यापाऱ्याकडून १५ लाख रुपयांची रक्कम लुटल्याची कबुली दिली. यात रोशन ताकवाले याचे नाव समोर आल्यावर स्थानिक गुन्हे शाखेचे पोलीस निरीक्षक कैलास नागरे व पथकाने त्याला अटक केली.