भारतीय तलवारबाजी महासंघाच्या उपाध्यक्ष अनघा वरळीकर या भारतीय तलवारबाजी महासंघाच्यावतीने निरीक्षक म्हणून उपस्थित होत्या.
या प्रसंगी नवनिर्वाचित अध्यक्ष राज्यमंत्री सतेज पाटील व भारतीय ऑलिम्पिक संघटनेचे सचिव व भारतीय तलवारबाजी महासंघाचे अध्यक्ष राजीव मेहता यांच्या हस्ते महाराष्ट्र तलवारबाजी संघटनेच्या वार्षिक अहवालाचे प्रकाशन करण्यात आले. या प्रसंगी भारतीय तलवारबाजी महासंघाचे कोषाध्यक्ष अशोक दुधारे, महाराष्ट्र ऑलिंपिक संघटनेचे सचिव बाळासाहेब लांडगे, महाराष्ट्र ऑलिंपिक संघटनेचे पदाधिकारी प्रकाश तुळपुळे, डॉ. चंद्रजीत जाधव, महाराष्ट्र तलवारबाजी संघटनेचे कार्याध्यक्ष प्रकाश काटुळे, सचिव डॉ. उदय डोंगरे, उपाध्यक्ष शेषनारायण लोंढे आदींच्या प्रमुख उपस्थितीसोबतच ३० जिल्ह्यांचे ५० प्रतिनिधी उपस्थित होते. या प्रसंगी महाराष्ट्र तलवारबाजी संघटनेच्या संकेत स्थळाचे विमोचन भारतीय तलवारबाजी महासंघाचे अध्यक्ष राजीव मेहता यांच्या हस्ते झाले. महाराष्ट्र तलवारबाजी संघटनेच्या संपूर्ण कार्याचा लेखाजोखा व संघटनेच्या खेळाडूंच्या प्रगतीचा व पुरस्काराची विस्तृतपणे माहिती या वेबसाईटवर प्रकाशित केल्याची माहिती तलवारबाजी असोसिएशन अकोला जिल्हा सचिव संजय इसाळकर यांनी दिली आहे.