चांगेफळ येथील शेतकर्‍याची आत्महत्या

सिंदखेडराजा तालुक्यातील शेतकर्‍याची आत्महत्या; दुबार पेरणीचे संकट.

सिंदखेडराजा : तालुक्यातील चांगेफळ येथील अल्पभुधारक शेतकर्‍याने ७ ऑगस्ट रोजी आत्महत्या केल्याची घटना घडली. चांगेफळ येथील शेतकरी बाळासाहेब रावसाहेब मोगल (३0) यांच्यावर वाढलेले कर्ज तसेच दुबार पेरणीचे संकट नव्याने आले. त्यामुळे खचून गेलेल्या बाळासाहेब मोगल या शेतकर्‍याने स्वत:च्या राहत्या घरी विषारी औषध घेऊन आत्महत्या केली. यासंदर्भात शंतनु मोगल व सुधाकर आढाव यांनी किनगावराजा पोलिस स्टेशनला माहिती दिली. यांच्या पश्‍चात पत्नी, २ मुली व आई असा आप्त परिवार आहे.