मरगट परिसरात दोन गटात हाणामारी

नऊ जण जखमी, हाणामारीमध्ये तडीपारीतील आरोपी.

अकोला : मोहता मिल रोडवरील मरगट परिसरात असलेल्या नाजूकनगरमध्ये दोन गटात क्षुल्लक कारणावरून जबर हाणामारी झाल्याची घटना रविवारी दुपारी घडली. या हाणामारीमध्ये सात जण गंभीर जखमी झाले असून, हाणामारी करणार्‍यांमध्ये गणेशोत्सवानिमित्त तडीपार करण्यात आलेले आरोपीही असल्याचे पोलीस सूत्रांनी सांगितले. मोहता मिल रोडवरील एका खुल्या मैदानात नाजूकनगरमधील काही युवक क्रिकेट खेळतात. या खेळण्यावरून तसेच रस्त्याच्या कारणावरून याच परिसरातील दोन गटात वारंवार वाद होत आहेत. या वादातूनच रविवारी या दोन गटात हाणामारी झाली असून, यामध्ये ९ जण जखमी झाले आहेत. त्यांना तातडीने सवरेपचार रुग्णालयामध्ये दाखल करण्यात आले आहे. असद खा हुसेन खा, जाकीर खान शरीफ खान, अयुब खान इनायत खान, फिरोज खान इनायत खान, सद्दाम खान हुसेन खान, अझहर खान हुसेन खान, जिब्रान खान अजीम खान हे सात जण जखमी असून, त्यांच्यावर सवरेपचार रुग्णालयात उपचार सुरू आहेत. या सात जणांना शेख फरीद शेख करीम पहेलवान, शेख फइम शेख गफ्फूर, शेख रहिम शेख गफ्फूर, शेख नईम शेख गफ्फूर, शेख अजीम शेख गफ्फूर, शेख नाजीम शेख गफ्फूर, शेख रफीक शेख गफ्फूर, शेख दाउद शेख करीम, शेख जावीद शेख फरीद, शेख सादीक शेख फरीद, शेख फारुख शेख दाउद, शेख इलीयास शेख रहेमान व त्यांचे आणखी दोन साथीदार अशा १४ जणांनी मारहाण केल्याची तक्रार रामदासपेठ पोलीस ठाण्यात करण्यात आली आहे. या प्रकरणी रामदासपेठ पोलीस ठाण्यात रात्री उशिरापर्यंत गुन्हा दाखल करण्याची प्रक्रिया सुरू होती.