मूर्तिजापूर : अमरावती वरून मूर्तिजापूरकडे येत असताना राष्ट्रीय महामार्गावरील बुलढाणा अर्बन गोडाऊन जवळ रस्त्यावर टाकलेल्या मलब्यावरुन दुचाकी उसळल्याने दोन जण गंभीर जखमी झाल्याची घटना सोमवारी ३:३० वाजताच्या सुमारास घडली सय्यद अश्फाक (२८) राहणार सिरसो व सय्यद अमीर (२२) राहणार अमरावती हे दोघे अमरावती वरुन सिरसो (मूर्तिजापूर ) येथे एमएच २७ ए क्यू ९४२८ या क्रमांकाच्या दुचाकीने येत होते. राष्ट्रीय महामार्गावरील बुलढाणा अर्बन गोडाऊन जवळ रस्त्यावर टाकलेल्या मलमब्यावरुन दुचाकी उसळल्याने दोघेही रस्त्यावर कोसळल्याने गंभीर जखमी झाले. अपघाची माहीती मिळताच वंदेमातरम आपत्कालीन पथकाने घटनास्थळ गाठून रुग्णवाहिकेतून जखमींना उपचारासाठी येथील लक्ष्मीबाई देशमुख उपजिल्हा रुग्णालयात उपचारार्थ दाखल केले. सय्यद अश्फाक याची प्रकृती अत्यवस्थ असल्याने पुढील उपचारासाठी अमरावती येथे हलविण्यात आले.
दुचाकीच्या अपघातात दोन जण गंभीर जखमी
By लोकमत न्यूज नेटवर्क | Published: March 15, 2021 5:22 PM