अमरावती : लोकमत वृत्तपत्र समूह व जेसीआय अमरावती गोल्डन यांच्यावतीने १२ जून रोजी स्वातंत्र्य संग्राम सेनानी तथा लोकमतचे संस्थापक संपादक श्रद्धेय जवाहरलालजी दर्डा तथा बाबूजी यांच्या जयंतीप्रीत्यर्थ रक्तदान शिबिराचे आयोजन करण्यात आले आहे. नागलकर हॉस्पिटल येथे सकाळी ९ ते १ या वेळेत हे शिबिर होईल. याप्रसंगी उपस्थित राहून रक्तदान करण्याचे आवाहन अध्यक्ष जेसी डॉ. सचिन अग्रवाल, सचिव जेसी सचिन अवघड, माजी अध्यक्ष जेसी डॉ. रश्मी नागलकर यांनी केले आहे.
दर्यापूर येथे कृषिउत्पन्न बाजार समितीच्या हॉलमध्ये १२ जुलै रोजी सकाळी १० ते २ या वेळेत रक्तदान शिबिर होईल. उद्घाटन बाजार समिती सभापती बाबाराव बरवट करतील. शिबिरात शिवशक्ती गणेशोत्सव मंडळ, हनुमान व्यायाम क्रीडा मंडळ (बनोसा), बजाज फिनसर (दर्यापूर), श्रीराम गणेशोत्सव मंडळ (गांधीनगर), डॉक्टर्स असोसिएशन यांचा सक्रिय सहभाग राहणार आहे. शिबिराला तहसीलदार योगेश देशमुख, मुख्याधिकारी गीता वंजारी, गटविकास अधिकारी बाळासाहेब रायबोले, तालुका कृषी अधिकारी राजकुमार अडगोकार, तालुका आरोग्य अधिकारी डॉ. संजय पाटील, उपजिल्हा रुग्णालय अधीक्षक संतोष डाबेराव, पीएसआय रविकिरण खंडारे, प्रा. गिरीधरराव बोरखडे, बाजार समिती उपसभापती नरेंद्र ब्राह्मणकर यांचीही उपस्थिती राहणार आहे.