जेवडनगरात गुंडांचा हैदोस

राजापेठ हद्दीतील जेवडनगरात रविवारी रात्री काही गुंडप्रवृत्तींच्या तरुणांनी एका घरात शिरून साहित्याची तोडफोड करीत हैदोस घातला. चाकू हल्ल्याच्या दोन घटनांमुळे मध्यरात्री जेवडनगरात खळबळ उडाली होती.

ठळक मुद्देघरात शिरून तोडफोड : चाकूहल्ल्याच्या दोन घटना

लोकमत न्यूज नेटवर्कअमरावती : राजापेठ हद्दीतील जेवडनगरात रविवारी रात्री काही गुंडप्रवृत्तींच्या तरुणांनी एका घरात शिरून साहित्याची तोडफोड करीत हैदोस घातला. चाकू हल्ल्याच्या दोन घटनांमुळे मध्यरात्री जेवडनगरात खळबळ उडाली होती.जेवडनगरातील रहिवासी कपिल मुकुंद गोले (२७) हे पानटपरीवर हजर असताना तीन तरुणांनी अचानक हल्ला केला. पानटपरीवरील साहित्यांची फेकफाक केली. इतकेत नव्हे तर गोले यांच्या घरातील साहित्यांची फेकफाक केली. चाकूच्या धाकावर परिसरात दहशत परसविली. प्रफुल्ल रमेश शेंडे यांना चाकू मारून जखमी केले. या गुंडाचा हैदोस पाहून जेवडनगरातील नागरिक भयभीत झाले होते. गुंडाचा हैदोस चालल्याने नागरिकांमध्ये भीती पसरली होती. कपिल गोलेच्या तक्रारीवरून राजापेठ पोलिसांनी सतीश पालवे, प्रतीक कांबळे व गोलू ऊर्फ विवेक चोपकर (तिन्ही रा. जेवडनगर) विरुद्ध भादंविच्या कलम ३२४, ४५२, ३२३, ४२७, ५०६ अन्वये गुन्हा नोंदविला.दस्तुननगरात चाकूहल्लाजेवडनगरातील रहिवासी अतुल सुभाष तुपाडे (२६) हा रविवारी रात्री जेवण करून चौकातील पानटपरीवर गेला असता, तेथे एका तरुणाने नेहमी माझ्याकडे कशाला येतो, असे म्हणून अतुलवर चाकू हल्ला चढविला. राजापेठ पोलिसांनी आरोपी कपिल गोले (रा.जेवडनगर) याचेविरुद्ध गुन्हा नोंदविला आहे.पोलिसांची उशिरा 'एन्ट्री'जेवडनगरात पोलीस रेकॉर्डवरील काही गुंड प्रवृत्तींच्या तरुणांनी गोंधळ घातला, कपील गोले यांना मारहाण करून घरातील साहित्य फेकफाक केली. हा तांडव सुरू असल्याची माहिती राजापेठ पोलिसांना देण्यात आली. मात्र, पोलीस वेळेवर पोहोचले नाही. पोलीस उशिरा घटनास्थळी पोहोचल्याची ओरड नागरिकांमध्ये सुरू होती.