चिखलदऱ्याच्या दरीत कार कोसळली

विदर्भाचे नंदनवन असलेल्या चिखलदरा पर्यटनस्थळावर फिरायला आलेल्या मित्र-मैत्रिणींची भरधाव कार सेमाडोह मार्गावरील आमाडोहनजीक ६० फूट खोल दरीत कोसळली. यात अमरावती येथील १८ वर्षीय युवतीचा मृत्यू झाला, तर एक जखमी झाला. ही घटना रविवारी रात्री आठ वाजताच्या सुमारास घडली. चालकाविरुद्ध चिखलदरा पोलिसांनी गुन्हा दाखल केला आहे.

ठळक मुद्देचालकाविरुद्ध गुन्हा : अमरावतीच्या सलोनी गोडबोलेचा मृत्यू

लोकमत न्यूज नेटवर्कचिखलदरा : विदर्भाचे नंदनवन असलेल्या चिखलदरा पर्यटनस्थळावर फिरायला आलेल्या मित्र-मैत्रिणींची भरधाव कार सेमाडोह मार्गावरील आमाडोहनजीक ६० फूट खोल दरीत कोसळली. यात अमरावती येथील १८ वर्षीय युवतीचा मृत्यू झाला, तर एक जखमी झाला. ही घटना रविवारी रात्री आठ वाजताच्या सुमारास घडली. चालकाविरुद्ध चिखलदरा पोलिसांनी गुन्हा दाखल केला आहे.सलोनी रमेश गोडबोले (रा. पूजा कॉलनी, अमरावती) असे मृत युवतीचे नाव आहे. रविवारी सकाळी नयन शंकर भुसारे (रा. शंकरनगर), सुशील सुभाष कडू (रा. बोंडे ले-आऊट), योगंद्र राजेंद्र वैराळे (रा. एमआयडीसी रोड, अमरावती), आशिष सुरेंद्र मोहोळ (रा. टीटीनगर व अभिलाष सुरेंद्रसिंग येवतीकर (रा. शंकरनगर) असे एकूण सहा जण कार क्रमांक एम एस २७ डी एल ०३४१ ने चिखलदरा येथे रविवारी अमरावतीहून फिरायला आले होते. दिवसभर पर्यटनस्थळावर फिरून विविध स्थळांची पाहणी करून रात्री ८ वाजतादरम्यान सेमाडोह येथे जात असताना भरधाव चारचाकी वाहन ६० फूट खोल दरीत कोसळली. या अपघातात सलोनी गोडबोले हिचा मृत्यू झाला. आशिष मोहोळ हा जखमी झाला. कारमधील उर्वरित कुणालाही दुखापत दुखापत झाली नाही.अपघाताची माहिती मिळताच चिखलदºयाचे ठाणेदार आकाश शिंदे यांनी रविवारी रात्रीच पोलीस पथकासह घेऊन घटनास्थळ गाठले. सुरेखा रमेश गोडबोले (४०, रा, पूजा कॉलनी अमरावती) यांच्या फिर्यादीवरून पोलिसांनी अभिलाष येवतीकरविरुद्ध निष्काळजीपणे भरधाव वाहन चालून अपघात घडवून आणल्याचा गुन्हा दाखल केला आहे. पुढील तपास पोलीस करीत आहे.शनिवार, रविवारी हजारो पर्यटकांची गर्दीपावसाळ्याचे दिवस पाहता विदर्भाचे नंदनवन असलेल्या चिखलदरा पर्यटन स्थळावर शनिवार, रविवारी या सुटीच्या दिवशी हजारो पर्यटक हजेरी लावतात. घाट वळणाच्या या मार्गावर पर्यटक बेदरकारपणे वाहन चालवीत असल्याचे चित्र आहे. अपघातात मृत सलोनी गोडबोले हिचे चिखलदरा ग्रामीण रुग्णालयात शवविच्छेदन करून मृतदेह परिजनांच्या स्वाधीन करण्यात आले. कारमध्ये आसन क्षमता कमी असतानाही सात जण बसले होते, हे विशेष.सेमाडोह मार्गावर कार दरीत कोसळून अपघातात एक तरुणी ठार झाली. चालकाविरुद्ध गुन्हा दाखल करण्यात आला आहे.- आकाश शिंदे, ठाणेदार, चिखलदरा