अमरावती : महापालिकेच्या पाचही झोन सभापतिपदांसाठी ३ एप्रिल रोजी निवडणूक होणार आहे. जिल्हाधिकारी शैलेश नवाल यांच्या अध्यक्षतेत ही प्रक्रिया पूर्णत्वास जाणार असून, झोन सभापतिपदांची निवड अविरोध होण्यासाठी सर्वपक्षीय नेत्यांनी हालचाली सुरू केल्याची माहिती आहे.
उत्तर झोन क्रमांक १ रामपुरी कॅम्प, मध्य झोन क्रमांक २ राजापेठ, पूर्व झोन क्रमांक ३ हमालपुरा, दक्षिण झोन क्रमांक ४ बडनेरा आणि पश्चिम झोन क्रमांक ५ भाजी बाजार अशा पाचही झोनमध्ये सभापतिपदांची निवडणूक होऊ घातली आहे. सकाळी ९ ते १०.३० दरम्यान नामनिर्देशनपत्र दाखल केले जाईल. सभापती निवडणूक विशेष सभा सकाळी ११ ते १ वाजता या वेळेत होणार आहे. काेराेना नियमावलींचे पालन करून ही निवडणूक होणार असल्याची माहिती नगर सचिव मदन तांबेकर यांनी दिली.