तालुक्यातील शाळांचा ऑनलाईन प्रवेशावर जोर

संपूर्ण अमरावती जिल्ह्यात एप्रिल महिन्यापासून कडक लॉकडाऊन लावल्याने तालुक्यातील सर्वच शाळा-महाविद्यालये बंद आहेत. त्यामुळे वर्ग ५ ते ८ मधील विद्यार्थ्यांना नवीन प्रवेश कसा द्यायचा, हा प्रश्न शाळांसमोर तर तालुक्यातील नामांकित शाळेत आपल्या पाल्याचा प्रवेश कसा घ्यायचा, असा प्रश्न पालकांना पडला होता. यासाठी तालुक्यातील अनेक शाळांनी विद्यार्थी, पालक व शिक्षकांच्या सुरक्षिततेच्या दृष्टीने विद्यार्थी किंवा पालकांना शाळेत न येता आपल्या घरूनच प्रवेश घेता यावा, यादृष्टीने आपल्या शाळेची लिंक तयार करून ऑनलाईन पद्धतीने प्रवेश देण्यास सुरुवात केली आहे.