बडनेरा : येथील जुनीवस्तीतील रहिवासी दलितमित्र उत्तमराव भैसने यांनी गाडगेबाबांच्या कार्याचा वसा सुरू ठेवल्याबाबत नवीन राम मंदिरात त्यांचा शाल, श्रीफळ देवून सन्मान करण्यात आला. यावेळी गौरव बांते, शाम बडनेरकर उपस्थित होते.
--------------
जेल मार्गाचे डांबरीकरण
अमरावती : येथील मध्यवर्ती कारागृह मार्गावरील रस्त्याची चाळण झाली असताना आता या मार्गाचे डांबरीकरण करण्यात आले आहे. त्यामुळे या मार्गावरील समाजकल्याणचे वसतिगृह, सिंचन अभियंता कार्यालयाकडे ये-जा करणाऱ्यांनी सुटेकचा नि:श्वास सोडला आहे. यापूर्वी लोकमतने या मार्गाची दैन्यावस्था प्रशासनाच्या निदर्शनास आणून दिली होती.
--------------------------
बियाणी चौकात अतिक्रमण
अमरावती : येथील विद्यापीठ मार्गावरील बियाणी चौकात हातगाडी, पानठेले, चहा विक्रेत्यांच्या गाड्यांनी रस्त्यालगत अतिक्रमण केले आहे. लगतच बँक असल्याने हा परिसर सतत वर्दळीचा असतो. मात्र, रस्त्यालगत हातगाड्या, घाऊक विक्रेत्यांमुळे अपघाताची शक्यता बळावली आहे.
---------------------------
रामपुरी कॅम्प भागात साफसफाईकडे दुर्लक्ष
अमरावती : स्थानिक रामपुरी कॅम्प भागात नाल्या, साफसफाईकडे दुर्लक्ष करण्यात येत आहे. नाल्या तुंबल्याने
या भागात आरोग्याचा प्रश्न निर्माण झाला आहे. परिसरात नियमित साफसफाई करण्यात येत नाही, अशी ओरड नागरिकांची आहे.
-------------------------
जयहिंद चौकात रस्त्यालगत अतिक्रमण
अमरावती : बडनेरा नवी वस्तीच्या जयहिंद चौकात रस्त्यालगत अतिक्रमण झाले आहे. हातगाडी, पानठेले, तात्पुरत्या स्वरूपातील दुकाने थाटली आहे. या दुकानांमुळे रस्ता अडविण्यात आला आहे. पायी चालणारऱ्यांना ये-जा करणे कठीण झाले आहे.
-------------