चिखलदरा : शहरातील देवी पॉइंट येथून एमएच २७ एडी ७८८५ क्रमांकाची दुचाकी २४ जून रोजी अज्ञात चोरट्याने लंपास केली. याप्रकरणी मोहन महादेवराव दाभणे (४१, रा. भूगाव) यांनी चिखलदरा पोलीस ठाण्यात २७ जून रोजी तक्रार दाखल केली. पोलिसांनी अज्ञात चोरट्याविरुद्ध गुन्हा नोंदविला.
------------
पवनी येथे महिलेला दगड मारला
वरूड : तालुक्यातील पवनी संक्राजी येथे कामावर जात असलेल्या महिलेला आरोपी महिलेने शिवीगाळ केली. मध्यस्थी करण्यास आलेल्या मुलाला तिच्या पतीने शिवीगाळ केली व महिलेला मारण्याची चिथावणी दिली. त्यामुळे आरोपी महिलेने दगड मारला. तो डोक्याला लागून रक्त निघाले. याप्रकरणी माणिकराव परतेती, बंडू परतेती व दोन महिलांविरुद्ध वरूड पोलीस ठाण्यात तक्रार देण्यात आली. पोलिसांनी २६ जून रोजी या चौघांविरुद्ध गुन्हा नोंदविला.
--------------
अज्ञात वाहनाच्या धडकेत इसम ठार
मोर्शी : तालुक्यातील मेंगवाडी ते मोर्शी मार्गावर अंबाडा शिवारात अज्ञात वाहनाच्या धडकेत गुणवंत जयराम मरसकोल्हे हा मरण पावला. २५ जून रोजी साडेआठ वाजता हा अपघात घडला. याप्रकरणी विनोद लेकुरवाडे यांनी मोर्शी पोलिसांत फिर्याद दिली. त्यांच्या तक्रारीवरून अज्ञात चालकाविरुद्ध गुन्हा नोंदविण्यात आला. मृत गुणवंतचे वडील जयराम हे लेकुरवाडे यांच्या शेतात सोकारी आहेत.
-------------
कांतानगरात चोरी
अमरावती : गाडगेनगर पोलीस ठाण्याच्या हद्दीतील कांतानगर येथे वैभव अरविंद ठाकरे (३७) यांच्या घराचे कुलूप तोडून अज्ञात चोरट्याने सोन्याचे रिंग, चांदीचे शिक्के व १५ हजार रुपये असा ४० हजार रुपयांचा मुद्देमाल २६ जूनच्या रात्री लंपास केला. यावेळी वैभव ठाकरे हे पत्नीला आणण्यासाठी गावी गेले होते. गाडगेनगर पोलिसांनी २७ जून रोजी गुन्हा नोंदविला.
---------------
आठवडी बाजारातून संशयिताला अटक
बडनेरा : नवी वस्तीतील आठवडी बाजारात फिरत असलेला शेख असिफ शेख बशीर (३०, रा. आदिवासीनगर) याला संशयावरून पोलिसांनी ताब्यात घेतले. त्याच्याविरुद्ध गुन्हे नोंदविल्यानंतर समजपत्रावर सोडण्यात आले.
-----------
चहा विक्रेत्याविरुद्ध पोलिसांची कारवाई
अमरावती : शहर कोतवाली पोलीस ठाण्याच्या हद्दीतील उस्मानिया मशीदनजीक विनोद नंदकिशोर वरके (३०) या चहा विक्रेत्याला मास्क न घालता व्यवसाय करीत असल्याबद्दल गुन्हा नोंदविण्यात आला. २७ जून रोजी ही कारवाई करण्यात आली.
------------
शहर कोतवाली पोलिसांचा दोघांविरुद्ध कारवाई
अमरावती : चेहऱ्याला मास न लावता व्यवसाय करीत असल्याबद्दल सय्यद अब्दुल सय्यद ताजू (५३) व अम्र झिशान फय्यद शेख (२९) यांच्याविरुद्ध इर्विन चौकात कारवाई करण्यात आली. २७ जून रोजी कोतवाली पोलिसांनी गुन्हा नोंदविला.
---------------
मास्क न बांधल्याने भातकुली पोलिसांची कारवाई
भातकुली : चेहऱ्यावर मास्क न बांधल्याने भातकुली पोलिसांनी मुख्य रस्त्यावर श्रीकृष्ण श्रीनिवास रेड्डी (३३, रा. यशोदानगर नंबर १) याच्याविरुद्ध गुन्हा नोंदविला. २७ जून रोजी ही कारवाई करण्यात आली.
----------------
ट्रॅक्टरच्या धडकेत लेक ठार, आई जखमी
नांदगाव खंडेश्वर : तालुक्यातील हिवरा मुरादे ते वडाळा दरम्यान गवताचे ओझे दुचाकीवर घेऊन येणाऱ्या माय-लेकाला ट्रॅक्टर ने धडक दिली. यामुळे एमएच २७-००२१ क्रमांकाच्या दुचाकीवरील करण गब्बर मांडोकर हा ठार झाला, तर त्याच्या आईला गंभीर जखमी झाली आहे. २६ जून रोजी सायंकाळी ५ च्या सुमारास ही घटना घडली. नांदगाव खंडेश्वर पोलिसांनी अज्ञात ट्रॅक्टरचालकाविरुद्ध गुन्हा नोंदविला.
-------------
मुलाचा पित्याच्या अंगठ्याला चावा
मंगरूळ चव्हाळा : गावाला जाण्याकरिता पित्याने पैसे न दिल्याने मद्यपी मुलाने अंगठ्याला चावा घेतला. शिवरा येथे २४ जून रोजी ही घटना घडली. प्रशांत बनसोड (४५) यांच्या तक्रारीवरून आकाश प्रशांत बनसोड याच्याविरुद्ध मंगरुळ पोलिसांनी गुन्हा नोंदविला.