बग्गी येथे ‘तहसील आपल्या दारी’

अनेक समस्यांचे निराकरण

चांदूर रेल्वे : तालुक्यातील बग्गी येथे ‘तहसील आपल्या दारी’ उपक्रम राबविण्यात आला असून, अनेक समस्यांचे निराकरण करण्यात आले.

महाराजस्व अभियानांतर्गत तहसील कार्यालयाच्यावतीने व बग्गी ग्रामपंचायतीच्या सहकार्याने ग्रामपंचायतीत ‘तहसील आपल्या दारी’ हा उपक्रम राबविण्यात आला. गावातील गोरगरीब जनतेच्या प्रलंबित समस्यांचे निराकरण करणे हा मुख्य उद्देश लक्षात घेऊन पांदण रस्ते, रेशन कार्ड, फेरफार, निराधार पेंशन योजनेसारखे विषय हाताळण्यात आले. यावेळी सरपंच विजया चवाळे यांनी प्रास्ताविकात अभियानाचे महत्त्व पटवून दिले. कार्यक्रमाच्या अध्यक्षस्थानी नायब तहसीलदार मळसने होते. उद्घाटन सरपंच विजया चवाळे यांनी केले. प्रमुख पाहुणे मंडळ अधिकारी लंगडे, पंचायत समिती सदस्य प्रशांत भेंडे, उपसरपंच दांडगे, सचिव इसळ उपस्थित होते. यावेळी वाघेला, देशमुख, भांगे, वंजारी, वऱ्हाडे, जयसिंगपुरे, सहारे, चव्हाण आदी महसूल कर्मचारी उपस्थित होते. या कार्यक्रमाला गावातील शरद गाढवे, सुमीत कदम, पंकज पर्बत, धवने, राहुल रामटेके, मुकिंदा कासार, लक्ष्मण चौधरी, नंदा इंगळे, राजू घोडे, रूपेश भेंडे आदी उपस्थित होते. कार्यक्रमाचे संचालन प्रकाश चवाळे यांनी केले. आभार सचिव इसळ यांनी मानले.

240721\1424-img-20210724-wa0015.jpg

photo