अमरावती : अवघ्या पाच हजारांसाठी चक्क पत्नीचा स्वत: सोबतचा अश्लील फोटो व्हायरल करण्यात आल्याची घटना घडली आहे. याप्रकरणी अलहिलाल कॉलनी येथे राहणाऱ्या २७ वर्षीय पतीविरुद्ध विनयभंग, खंडणी, धमकी व आयटी ॲक्ट अंतर्गत गुन्हा दाखल करण्यात आला आहे. ७ ऑक्टोबर रोजी दुपारी ३.३० च्या सुमारास ही घटना घडली.
तक्रारीनुसार, फिर्यादी व आरोपी हे पती पत्नी आहेत. मात्र गेल्या काही दिवसांपासून त्यांच्यात वाद झडत असल्याने ती महिला माहेरी निघून गेली होती. दरम्यान ७ ऑक्टोबर रोजी दुपारी ३.३० च्या सुमारास तो सासरी पोहोचला. तिला शिवीगाळ केली. तथा पाच हजार रुपयांची मागणी केली. ती रक्कम न दिल्यास तलाक देईल. तथा आपल्या सोबतचा अश्लील फोटो व्हायरल करेल,अशी धमकी देऊन आरोपी तेथून निघून गेला.
भावाला पाठविला तो फोटो -पत्नीला धमकावत तो निघून गेला. अन् त्याने स्वत:सोबतचा पत्नीचा अश्लील फोटो पत्नीसह तिच्या भावाच्या मोबाइलवर पाठवून तो व्हॉट्सॲपवर व्हायरल केला. ते समजताच तिने नागपुरी गेट पोलीस ठाणे गाठले. पोलीस निरीक्षक विवेकानंद राऊत यांनी तिची तक्रार नोंदवून घेतली.