आजचे राशीभविष्य, १७ जुलै २०२३: आर्थिक लाभ तसेच आनंददायक प्रवास ठरवण्याची शक्यता

Today Daily Horoscope: जाणून घ्या, कसा असेल तुमचा आजचा दिवस? काय सांगते तुमची राशी?

मेष- आज चंद्र 17 जुलै, 2023 सोमवार च्या दिवशी मिथुन राशीस स्थित राहील. आपल्यासाठी चंद्र तिसरा स्थानी असेल. आज आपल्या विचारांची अस्थिरता आपणास अडचणीत आणेल. नोकरी - व्यवसायाच्या क्षेत्रात स्पर्धात्मक वातावरण राहील, ज्यातून बाहेर पडण्यात आपण यशस्वी व्हाल. नवी कामे करायला प्रेरीत व्हाल. लहान प्रवासाची शक्यता आहे. बौद्धिक किंवा लेखन कार्यासाठी आजचा दिवस अनुकूल आहे. आज शक्यतो महत्वाचा निर्णय घेऊ नये. आता एक महिन्यासाठी सूर्य कर्केत राहील. त्यामुळे हा एक महिना आपल्यासाठी चांगला असेल. आपण घर किंवा जमिनीचा एखादा सौदा सुद्धा करू शकता. आणखी वाचा

वृषभ-  आज आपल्या मनाची द्विधा अवस्था आपणास ठाम निर्णय घेऊ देणार नाही. त्यामुळे हाती आलेल्या संधीला मुकावे लागेल. फसव्या व्यवहारामुळे संघर्ष होण्याची शक्यता आहे. लेखक, कारागीर, कलावंत ह्यांना आपले कौशल्य दाखवण्याची संधी मिळेल. आज आपल्या वाक्चातुर्याने आपण यशस्वी व्हाल व त्याचा इतरांवर सुद्धा प्रभाव होईल. आजचा दिवस नवीन कामाला सुरूवात करण्यासाठी अनुकूल नाही. कर्क संक्राती पासूनचा एक महिना नातेसंबंधाच्या बाबतीत काही त्रासदायी होऊ शकतो. आणखी वाचा

मिथुन-आजचा दिवस लाभदायी आहे. सकाळ पासूनच उत्साह व प्रसन्नता अनुभवाल. मित्र व नातलग यांच्यासह उत्तम भोजनाचा लाभ घ्याल. आर्थिक लाभ होईल व त्याच बरोबर भेटवस्तूही मिळतील. त्यामुळे दिवस खूप खुशीत जाईल. आज आपण सर्वांसह एखादा आनंददायक प्रवास ठरवण्याची सुद्धा शक्यता आहे. दांपत्य जीवनात सुसंवाद राहील. सूर्य कर्केत असे पर्यंत आपणास संयमित राहून लोकांशी वागावे लागेल. अहंकारी भाषा आपले नुकसान करू शकते.  आणखी वाचा

कर्क- आज शरीर व मन अस्वस्थ राहील. मनाची साशंकता व द्विधा ह्यामुळे निर्णय घ्यायला अतिशय कठिण होईल. कुटुंबियांशी मतभेद झाल्याने मन उदास होईल. आईच्या स्वास्थ्याची काळजी वाटेल. पैसा खर्च होईल. गैरसमज व वाद-विवाद ह्यापासून शक्यतो दूर राहावे. सूर्य आता आपल्या राशीतून भ्रमण करेल. ह्या एका महिन्यात आपल्या स्वभावातील अहंकार व तापटपणा अशा दोघांची वाढ होऊ शकते. वैवाहिक जोडीदाराशी मतभेद वाढतील. आणखी वाचा

सिंह- आज आपणास विविध प्रकारे लाभ होऊ शकतात. अशा वेळी थोडे गाफील राहिलात तर लाभापासून वंचित होऊ शकता, म्हणून तिकडे लक्ष द्यावे. मित्र मंडळ, स्त्रीवर्ग व थोरामोठयांकडून लाभ होतील. नोकरीत पदोन्नतीची शक्यता आहे. पित्याकडून लाभ होईल. कुटुंबात आनंदाचे वातावरण राहील. सूर्य आपल्या व्यय स्थानातून भ्रमण करणार आहे. हा महिना आपल्यासाठी सामान्यापेक्षा चांगला राहील. ह्या दरम्यान परदेशाशी संबंधित कामे होऊ शकतात. आणखी वाचा

कन्या- आजचा दिवस नवीन काम सुरू करण्यास किंवा नवीन योजना अंमलात आणण्यास अनुकूल आहे. व्यापारात लाभ होईल. जुने येणे वसूल होईल. नोकरीत पदोन्नती संभवते. पितृघराण्याकडून लाभ होईल. कुटुंबात आनंदाचे वातावरण राहील. कुटुंबात एकोपा असेल. सरकारी कामे पूर्ण होतील. दिवस स्वस्थतेत जाईल. कर्क संक्रांति पासूनचा एक महिना आपल्यासाठी चांगला आहे. आपल्या मान - सन्मानाची वृद्धी होईल. नवीन मैत्री होईल. समाजात आपली ओळख निर्माण होईल. आणखी वाचा

तूळ- आज आपण दूरचा प्रवास करण्याची शक्यता आहे. परदेशी प्रवासास अनुकूलता राहील. तरी सुद्धा संतती व स्वास्थ्य ह्या संबंधी चिंता लागून राहील. नोकरीत वरिष्ठ किंवा सहकार्यांचे अपेक्षित सहकार्य मिळणार नाही. विरोधी किंवा प्रतिस्पर्धी ह्यांच्याशी शक्यतो कोणतीही चर्चा करू नका. पैसा खर्च होईल. आता सूर्य कर्केतून भ्रमण करेल. हा महिना आपल्यासाठी मध्यम फलदायी राहील. असे असून सुद्धा व्यापारात आपणास फायदा होऊ शकतो. आणखी वाचा

वृश्चिक- आजचा दिवस सावधपणे व्यतीत करावा लागेल. नवे कार्य सुरू करू नका. क्रोध व अवैध आचरण आपणास अडचणीत टाकू शकतील. वेळेवर भोजन मिळणार नाही. राजकीय अपप्रवृत्ती पासून दूर राहावे. नवीन संबंध विकसित करू नयेत. एखादी दुर्घटना संभवते. मनास शांती लाभण्यासाठी प्रयत्नशील राहावे. सूर्याचे कर्केतील भ्रमण आपणास प्रवास करावयास लावणारा होऊ शकतो. ह्या दरम्यान कोणतीही नवीन गुंतवणूक करू नये. ऑनलाइन व्यवहार करताना सतर्क राहावे. आणखी वाचा

धनु- आजचा दिवस बौद्धिक, तार्किक, विचार- विनिमय व लेखन कार्य ह्यासाठी अनुकूल आहे. मनोरंजन, प्रवास, मित्रांचा सहवास,, सुंदर भोजन, वस्त्र प्रावरणे, भिन्नलिंगी व्यक्तीशी जवळीक इत्यादींमुळे आजचा दिवस आनंदात जाईल. भागीदारीत फायदा होईल. वैवाहिक जोडीदाराशी संबंध दृढ होतील. सार्वजनिक मान - सन्मान वाढेल. सूर्याचे कर्केतील भ्रमण आपल्यासाठी सतर्क राहण्याचे आहे. ह्या दरम्यान वाहनाचा वापर सावधपणे करावा. तसेच प्रवासात सतर्क राहावे. आणखी वाचा

मकर- आज आपले स्वास्थ्य उत्तम राहील. यश, कीर्ती व आनंद प्राप्ती होईल. कुटुंबीयांसह आनंदात दिवस जाईल. व्यापारात प्रगती व यश मिळू शकेल. धनलाभ होईल. प्रतिस्पर्ध्याला नामोहरम कराल. सहकार्‍यांचे चांगले सहकार्य मिळेल. कायदेशीर बाबीत आज लक्ष न घातलेले बरे. कर्क संक्रांती पासूनचा एक महिना आपणास अचानकपणे लाभ देणारा आहे. परंतु वैवाहिक जोडीदाराशी किंवा व्यावसायिक भागीदाराशी मतभेद वाढवणारा सुद्धा आहे. आणखी वाचा

कुंभ- आजचा दिवस प्रतिकूलतेचा आहे. वैचारिक दृष्टया गर्क राहिल्याने कोणताही महत्वाचा निर्णय न घेणे हेच हितावह राहील. प्रवासात त्रास संभवतो. ठरलेली कामे पूर्ण न झाल्याने खूप निराशा होईल. मन अशांत राहील. पोटदुखी सतावेल. संततीची प्रकृती किंवा अभ्यास ह्या बध्दल चिंता लागून राहील. सूर्याचे कर्केतील भ्रमण बहुतांशी चांगले राहिले तरी सुद्धा आपणास प्रकृतीची काळजी घ्यावी लागेल. आपण विनाकारण चिंतीत होऊ शकता. आणखी वाचा

मीन-आज उत्साह व स्फूर्ती यांचा अभाव राहील. आईची तब्येत खराब होऊ शकते. मित्र व नातेवाईक यांच्या बरोबर वाद - विवाद होईल. काही त्रास किंवा विरोधी परिस्थितीमुळे शारीरिक व मानसिक स्वास्थ्य खराब होऊ शकेल. कोर्ट - कचेरीची कागदपत्रे सावधानतेने करा, एखाद्या वेळेस मानहानीला ते कारण होईल. एखाद्या स्त्रीमुळे त्रास होऊ शकतो. अपघाताची शक्यता असल्याने जलाशया पासून दूर राहावे. कर्क संक्राती पासूनचा एक महिना आपल्यासाठी नवीन गोष्टी शिकून घेण्याचा आहे. विद्यार्थी व व्यावसायिक ह्यांना एखाद्या नवीन ऑनलाईन अभ्यासक्रमाची गोडी लागू शकते. आणखी वाचा