Today's Horoscope: आजचे राशीभविष्य - १ जून २०२३; 'या' राशीतील व्यक्तींना कामाचा ताण कमी होईल, आर्थिक प्राप्तीचे प्रमाण चांगले

Rashi Bhavishya : जाणून घ्या, कसा असेल तुमचा आजचा दिवस..., काय सांगते तुमची राशी...

मेष- नेहमीची कामे सामान्यपणे चालू राहतील. मित्र-मैत्रिणींना भेटण्याची संधी मिळेल. त्याच्याशी बोलून मन मोकळे होईल. मनात आनंदी विचार राहतील. कामाचा ताण कमी होईल. खाण्या-पिण्याची चंगळ राहील. प्रलंबित कामे पूर्ण करण्यासाठी वेळ द्याल.

वृषभ- महत्त्वाच्या कामात अडथळा येऊ शकतो. कामे झालीच पाहिजेत, असा अट्टहास करू नका. विरोधकांच्या कारवाया सुरू राहतील. मात्र, जवळचे नातेवाईक, मित्र यांची चांगली साथ राहील. जीवनसाथीशी मधुर संबंध राहतील. व्यवसायात बरकत राहील.

मिथुन- कामात सफलता मिळेल. आर्थिक प्राप्तीचे प्रमाण चांगले राहील. मालमत्तेच्या कामात अडचणी येणार नाहीत. वडीलधाया मंडळीचा मान राखा. आवडल्या भोजनाचा आस्वाद घेता येईल. कामाच्या रामरगाड्यातून मुलासाठी वेळ काढा.

कर्क- नोकरीत नवीन प्रकल्पासाठी तुमच्या नावाचा विचार केला जाईल. त्यामुळे तुमचे महत्त्व वाढेल; पण कामाचा ताण राहील. तुम्हाला जीवनसाथीची चांगली साथ मिळेल. अधिकारी वर्गाचे सहकार्य मिळेल. त्यांचा विश्वास संपादन कराल. घरी पाहुणे मंडळी येतील.

सिंह-व्यवसायात सतत व्यस्त राहाल. स्वस्थ बसणे होणार नाही. जुनी राहिलेली कामे पूर्ण करण्यासाठी वेळ चाल, कार्म आटोक्यात येतील. जवळच्या प्रवासाचा योग येईल, भावंडांच्या भेटीगाठी होतील.

कन्या- विविधप्रकारचे लाभ होतील. धनलक्ष्मी तुमच्यावर प्रसन्न राहील. मित्र-मैत्रिणीची चागली साथ राहील. वडिलोपार्जित संपत्तीची कामे होतील. मात्र, त्यासाठी बराच वेळ द्यावा लागेल, व्यवसायात भरभराट होईल. आवडते भोजन मिळेल. नवीन ओळखी होतील.

तूळ - तुमच्या समोरील अनेक अडचणी आपोआप दूर होतील. मनात सकारात्मक विचार राहतील. कामात उत्साह राहील. नोकरीत अनुकूल वातावरण राहील. आत्मविश्वासाने कामे करत राहाल. सुखसोयी वाढवून मिळतील. घराच्या सजावटीकडे लक्ष द्याल.

वृश्चिक- करमणुकीच्या कार्यक्रमात सहभागी व्हाल. त्यासाठी पैसे व वेळ खर्च कराल, अनावश्यक खर्चाला आवर घातला पाहिजे. महत्त्वाच्या कामात अडथळा येऊ शकतो. तुमच्या नावलौकिकात भर पडणाऱ्या घटना घडतील. जीवनसाथीशी सूर जुळतील.

धनू- अचानक धनलाभ होऊ शकतो. एखाद्या उलाढालीत मोठा फायदा होईल. एखादे लॉटरीचे तिकीट घेऊन पाहण्यास हरकत नाही. विविध मागांनी धनप्राप्ती होईल. महत्त्वाच्या कामात सफलता मिळेल. मुलांची काळजी घ्या. त्यांना काय हवे नको ते विचारा.

मकर- सतत कार्यरत राहाल. घरी पाहुण्या रावळ्यांची वर्दळ राहील. त्यांच्यासाठी बराच वेळ द्यावा लागेल. नोकरीत बदलीची शक्यता आहे. जीवनसाथीशी मधुर संबंध राहतील. भेटवस्तू देण्यास हरकत नाही. मुलांना यश मिळेल. व्यवसायात बरकत राहील.

कुंभ- नोकरीत तुमचे वर्चस्व प्रस्थापित करण्यात यश मिळेल. मात्र विरोधकांच्या कारवायांकडे लक्ष द्या. मुत्सद्दीपणाने वागणे आवश्यक आहे. काही लोक तुम्हाला मोहाच्या जाळ्यात अडकवण्याचा प्रयत्न करतील. आरोग्याची काळजी घ्या.

मीन- महत्त्वाच्या कामात अडथळा येऊ शकतो. वाहनाच्या वेगावर नियंत्रण ठेवा. प्रवास शक्यतो टाळा. प्रवासात दगदग होईल. नियोजित कार्यक्रमात ऐनवेळी बदल होतील. मुलांच्या यशाच्या वार्ता कानी पडतील. त्यांचे कौतुक होईल. विजय देशपांडे (ज्योतिषविशारद )