आजचे राशीभविष्य - १० जून २०२३; वड्याचे तेल वांग्यावर काढू नका...

Rashi Bhavishya : जाणून घ्या, कसा असेल तुमचा आजचा दिवस..., काय सांगते तुमची राशी...   

मेष- अधिकारी वर्गाशी जुळवून घेणे योग्य ठरेल. संयम सोडता कामा नये. नोकरीत नेटाने आपली कामे करत राहा. नातेवाइकांच्या भेटीगाठी होतील. काहींशी भ्रमणध्वनीवर संभाषण कराल. धनलाभ होईल. लोकांचे पटो न पटो, ऐकून घ्या.

वृषभ- जवळच्या नातेवाइकांसाठी वेळ द्यावा लागेल. नोकरीत सतत कार्यरत राहाल. घर आणि कार्यक्षेत्र, अशा दोन्ही आघाड्यांवर समतोल साधताना तारेवरची कसरत करावी लागेल. व्यवसायात भरभराट होईल, आर्थिक आवक चांगली राहील.

मिथुन - जवळच्या सहलीला जाऊन याल. भावडांशी मधुर संबंध राहतील. आर्थिक आवक चांगली राहील. भेटवस्तू प्राप्त होतील, एखाद्या समारंभात सहभागी व्हाल. लोकांशी संपर्क राहील. खाण्या-पिण्याची चंगळ राहील. आवडत्या छंदासाठी वेळ द्या.

कर्क- संमिश्र ग्रहमानाचा अनुभव येईल. काही ध्यानीमनी नसलेले फायदे होतील, तर काही कामे निष्कारण रखडत राहतील. वड्याचे तेल वांग्यावर काढू नका. वाहनाच्या वेगावर नियंत्रण ठेवा. अचानक धनलाभ होऊ शकतो. सकारात्मक विचार करा.

सिंह- कार्यक्षेत्रात तुमचा दबदबा राहील. तुमच्या कार्यशैलीची सगळे प्रशंसा करतील. जनसंपर्क चांगला राहील. मोठ्या लोकांमध्ये उठबस राहील, नियोजनबद्ध पद्धतीने कामे पूर्ण करा. घरातील कामांसाठी वेळ काढा.

तूळ - हाती घेतलेल्या महत्त्वाच्या कामात सफलता मिळेल. काही अडचण येणार नाही. इतरांना योग्य मार्गदर्शन कराल. मुलांना योग्य संधी मिळेल. स्पर्धा परीक्षा देणाऱ्यांना चांगला काळ आहे. समाजात तुमचा मान वाढेल. नोकरीत तुमचे महत्त्व वाढेल.

वृश्चिक- कार्यक्रमात सहभागी व्हाल. लोक तुमची प्रशंसा करतील. नोकरीत चांगली परिस्थिती राहील. सहकारी वर्गाची चांगली साथ राहील. आर्थिक स्थिती भक्कम राहील. नवीन ओळखी होतील. विविध प्रकारच्या सुखसोयी मिळतील.

धनू- मनातील काळजीचे विचार झटकून टाका. कामे वाढतील. मात्र, नीट नियोजन करून कामे केल्यास ताण जाणवणार नाही. जोडीदाराची चांगली साथ राहील. मुलांशी संवाद ठेवा. त्यांचे म्हणणे ऐकून घ्या. व्यवसायात मालाची विक्री चांगली होईल.

मकर- मालमत्तेच्या कामांना गती मिळेल. वारसाहक्काने मिळणाऱ्या उत्पन्नाचा लाभ होईल. मनासारखे पदार्थ खाण्यास मिळतील. धनलक्ष्मी तुमच्यावर प्रसन्न राहील. महत्त्वाच्या कामात सफलता मिळेल. मुले प्रगती करतील, त्यांना योग्य संधी मिळेल.

कुंभ- नोकरीत अनुकूल परिस्थिती राहील. चांगल्या घटना घडतील, प्रगतीला पूरक वातावरण राहील. जोडीदार तुमच्या पाठीशी खंबीरपणे उभा राहील, मित्रमंडळींची मदत होईल. फक्त गोड बोलणाऱ्या लोकांपासून दूर राहा.

कन्या- धनलाभ होण्याच्या दृष्टीने चांगला काळ आहे. जुनी येणी वसूल होतील. महत्त्वाची कामे पुढे ढकलणे ठीक राहील, नाही तर जास्त वेळ आणि पैसा खर्च होईल, तसेच मनस्ताप सहन करावा लागेल. तब्येतीची काळजी घ्या. अचानक प्रवास करावा लागेल. आराम करा.

मीन- महत्त्वाची कामे पुढे ढकलणे योग्य राहील. प्रवास शक्यतो टाळलेला बरा राहील. व्यवसायात भरभराट होईल. विद्यार्थ्यांना चांगला काळ आहे. अपेक्षित यश मिळेल. चांगल्या अभ्यासक्रमांना प्रवेश मिळेल. सगळीकडे कौतुक होईल.