नवी दिल्ली : देशात दिवसेंदिवस पेट्रोलच्या किंमती वाढत आहेत. यादरम्यान 110 किमी पर्यंत मायलेज देणारी बाईक तुमच्याकडे असेल तर तुम्हाला किती बरे वाटेल. मात्र, हे वाचून तुम्हाला वाटलं असेल की एवढं मायलेज देणारी अशी बाइक नसेल. पण, तसे नाही. आज आम्‍ही तुम्हाला देशातील काही सर्वाधिक मायलेज देणाऱ्या बाईकबद्दल सांगणार आहोत, त्‍यापैकी दोन बाईक 100 किमी पेक्षा जास्त मायलेज देण्‍याचा दावा केला जात आहे. यापैकी एक 110 किमी मायलेज देखील देऊ शकतो.
TVS Sport (एक्स-शोरूम किंमत 60 हजार रुपयांपासून सुरू)
TVS Sport ची किंमत 60 हजार रुपयांपासून सुरू होते आणि 66 हजार रुपयांपर्यंत जाते. ही कंपनीच्या सर्वाधिक विकल्या जाणाऱ्या बाईक्सपैकी एक आहे. यात 109 सीसी इंजिन आहे, जे 8.18bhp कमाल पॉवर जनरेट करण्यास सक्षम आहे. बाईकचा देखभाल खर्च कमी आहे. TVS च्या वेबसाइटवर लिस्टेड केलेल्या काही पुनरावलोकनांनुसार, ही बाईक 110km पर्यंत मायलेज देऊ शकते.
Hero HF DELUXE (एक्स-शोरूम किंमत 56,070 रुपयांपासून सुरू)
Hero HF DELUXE ची किंमत 56,070 रुपयांपासून सुरू होते आणि 63,790 रुपयांपर्यंत जाते. यात 97.2 सीसी इंजिन आहे, जे 5.9kw पॉवर आणि 8.5Nm टॉर्क जनरेट करण्यास सक्षम आहे. कंपनीच्या वेबसाईटवर एका ग्राहकाचा हवाला देत लिहिले आहे की, ही बाईक 100 किमी पेक्षा जास्त मायलेज देऊ शकते.
Bajaj Platina 100 (एक्स-शोरूम किंमत 53 हजार रुपयांपासून सुरू)
Bajaj Platina 100 मध्ये 102 सीसीचे 4-स्ट्रोक, DTS-i, सिंगल सिलेंडर इंजिन आहे, जे 5.8 kW कमाल पॉवर आणि 8.3 Nm पीक टॉर्क जनरेट करू शकते. हे 4-स्पीड गिअरबॉक्ससह येते. बाईकचा टॉप स्पीड 90 किमी प्रतितास आहे आणि ती 70KM पेक्षा जास्त मायलेज देण्यास सक्षम आहे.
Bajaj CT110X (एक्स-शोरूम किंमत 66 हजार रुपयांपासून सुरू)
Bajaj CT110X मध्ये 115.45 सीसीचे 4 स्ट्रोक, सिंगल सिलेंडर इंजिन आहे, जे 8.6 PS कमाल पॉवर आणि 9.81 Nm पीक टॉर्क जनरेट करण्यास सक्षम आहे. यात 4-स्पीड गिअरबॉक्स देण्यात आला आहे. त्याचे मायलेजही 70 किमीपेक्षा जास्त आहे.