नवी दिल्ली : सध्या ऑटो मार्केटमध्ये एसयूव्हीला ( SUV) मोठी मागणी आहे. या सेगमेंटमधील कारची मागणी झपाट्याने वाढत आहे. अशा परिस्थितीत, अनेक कार उत्पादक या सेगमेंटमध्ये एन्ट्री करत आहेत. आता यातच ह्युंदाई (Hyundai) सुद्धा आपली नवीन SUV Exter बाजारात उतरवण्याच्या तयारीत आहे. ह्युंदाईची एक्स्टर 10 जुलै रोजी लॉन्च होणार आहे. म्हणजेच आजपासून तीन दिवसांनी ही कार तुम्हाला बाजारात पाहायला मिळणार आहे. आगामी कार टाटाच्या सर्वाधिक विक्री होणाऱ्या पंचला टक्कर देऊ शकते. त्यामुळे ह्युंदाईच्या आगामी कारचे फीचर्स आणि किंमत याबद्दल माहिती जाणून घ्या...
पॉवरट्रेनरिपोर्ट्सनुसार, Hyundai Exter मध्ये तुम्हाला 1.2-लीटर VTVT NA पेट्रोल इंजिन मिळण्याची शक्यता आहे. हे इंजिन सध्याच्या कार Venue, i20, Grand i10 Nios आणि Aura मध्ये आधीच मिळत आहे. दरम्यान, ह्युंदाई एक्स्टरसाठी इंजिनमध्ये थोडे ट्यून करू शकते. हे इंजिन 82bhp पॉवर आणि 115 Nm टॉर्क जनरेट करू शकते. कार 5-स्पीड मॅन्युअल आणि AMT ट्रान्समिशनसोबत कनेक्टेड होऊ शकते.
फीचर्स स्मार्टफोन कनेक्टिव्हिटी आणि टचस्क्रीन इन्फोटेनमेंट सिस्टम आगामी कारमध्ये पाहायला मिळणार आहे. प्रत्येक व्हेरिएंटमध्ये 6 एअरबॅग्ज मिळवणारी ही कंपनीची पहिली सब-कॉम्पॅक्ट SUV असेल. कारच्या सेफ्टी फीचर्सबद्दल बोलायचे झाल्यास, व्हीकल स्टॅबलिटी मॅनेजमेंट, ESC आणि हिल असिस्ट कंट्रोल यांसारखी इतर फीचर्स देखील कारमध्ये मिळू शकतील.
बुकिंगजर तुम्हाला ह्युंदाई एक्स्टर खरेदी करायची असेल, या आगामी कारचे बुकिंग आधीच सुरू झाले आहे. म्हणजेच कंपनीच्या अधिकृत साइटवरून तुम्ही स्वतःसाठी ही कार बुक करू शकता. ही कार बुक करण्यासाठी तुम्ही 11,000 रुपये टोकन रक्कम भरून ती बुक करू शकता. कारच्या बेस व्हेरिएंट आणि इतर व्हेरिएंटची किंमत 6 लाख रुपयांवरून 10 लाखांपर्यंत जाण्याची शक्यता आहे.