TVS मोटर्सने या महिन्यात आपल्या अनेक मॉडेल्सच्या किमती वाढवल्या आहेत. सर्वप्रथम कंपनीनं आपल्या लोकप्रिय स्कूटर ज्युपिटरच्या किमती वाढवल्या. तर आता दुसरीकडे कंपनीनं आपाचे या बाईकची किंमत वाढवली आहे. कंपनीनं Apache RTR 160 4V आणि RTR 200 4V च्या किमती वाढवण्याचा निर्णय घेतलाय. या दोन्ही मोटारसायकलींच्या किमतीत 700 रुपयांनी वाढ करण्यात आली आहे. बेसिक ड्रम ब्रेक व्हेरियंटची किंमत 123,770 रुपयांपासून सुरू होतात आणि स्पेशल एडिशनची किंमत 132,070 रुपयांपर्यंत आहे.
त्याचप्रमाणे, TVS Apache RTR 200 4V च्या किमतीतही किरकोळ वाढ झाली आहे. आता त्याची किंमत 141,670 रुपयांवरून 146,720 रुपये झाली आहे. त्याच्या सिंगल-चॅनल ABS व्हेरियंटची एक्स-शोरूम किंमत 141,670 रुपये आहे. तर, ड्युअल-चॅनल ABS ची किंमत 146,720 रुपये आहे. आम्हाला कळू द्या की ते बजाज पल्सर NS200 शी स्पर्धा करते.
RTR 160 चे फीचर
TVS Apache RTR 160 4V मध्ये 159.7 cc सिंगल-सिलिंडर, ऑइल-कूल्ड, फोर-व्हॉल्व्ह इंजिन देण्यात आलेय. हे इंजिन 17.4 bhp पॉवर आणि 14.73 Nm पीक टॉर्क जनरेट करते. इंजिन 5-स्पीड गिअरबॉक्सशी जोडलेलं आहे. बाईकमध्ये ब्लूटूथ कनेक्टिव्हिटी, फुल-एलईडी हेडलॅम्प, स्टायलिश डिझाइन आणि सिंगल-चॅनल एबीएससह डिजिटल इन्स्ट्रुमेंट कन्सोलचा समावेश आहे.
RTR 200 चे फीचर्स
दुसरीकडे, TVS Apache RTR 200 4V मध्ये 197.75 cc, सिंगल-सिलिंडर, एअर आणि ऑइल-कूल्ड इंजिन देण्यात आलेय. हे 20.54 bhp पॉवर आणि 17.25 Nm पीक टॉर्क जनरेट करते. हे इंजिन 5-स्पीड गिअरबॉक्सशी जोडलेलं आहे. Apache 200 मध्ये टर्न-बाय-टर्न नेव्हिगेशनसह ब्लूटूथ-अनेबल्ड डिजिटल इन्स्ट्रुमेंट कन्सोल, तीन रायडिंग मोड, कॉल आणि एसएमएस अलर्ट, लो फ्युअल अलर्ट, असिस्ट फंक्शन, लीन अँगल मोड, लॅप टाइमरसारखे फीचर्स देण्यात आलेत.