सायना, सिंधू, श्रीकांत, समीर, प्रणय दुस-या फेरीत, पुढील फेरीत सायनाची लढत कॅरोलिना मारीनविरुद्ध

आठवडाभरानंतर कोर्टवर परतलेले सायना नेहवाल, पी. व्ही. सिंधू आणि किदाम्बी श्रीकांत यांनी विपरीत स्थितीत विजय मिळवून जपान ओपन सुपर सिरीज बॅडमिंटनच्या दुस-या फेरीत धडक दिली.

टोकियो : आठवडाभरानंतर कोर्टवर परतलेले सायना नेहवाल, पी. व्ही. सिंधू आणि किदाम्बी श्रीकांत यांनी विपरीत स्थितीत विजय मिळवून जपान ओपन सुपर सिरीज बॅडमिंटनच्या दुस-या फेरीत धडक दिली.विश्व चॅम्पियनशिपचे कांस्य जिंकणाºया सायनाने जांघेतील मांसपेशी ताणल्या गेल्यामुळे कोरिया ओपनमध्ये भाग घेतला नव्हता.तिने बुधवारी पहिल्या सामन्यात थायलंडची पोर्नपावी चोचुवोंगहिचा ३९ मिनिटांत २१-१७, २१-९ ने पराभव केला. लंडन आॅलिम्पिकची कांस्यविजेती असलेल्या सायनाला पुढील फेरीत आॅलिम्पिक चॅम्पियन स्पेनची कॅरोलिना मारीन हिच्याविरुद्ध खेळावे लागेल.मारीनविरुद्ध सायनाच्या जय-पराजयांचा रेकॉर्ड ४-३ असा आहे. तथापि, मागच्या चारपैकी ३ सामन्यांत सायनाला मारीनविरुद्ध पराभवाचे तोंड पाहावे लागले आहे. दुसरीकडे रिओ आॅलिम्पिकमध्ये रौप्य पदक जिंकणारी पी़ व्ही. सिंधूने उत्कृष्ठ खेळाचे प्रदर्शन करुन जपानच्या मिनात्सु मितानीचा १२-२१, २१-१५, २१-१७ गुणांनी पराभव केला़ इंडोनेशिया आणि आॅस्ट्रेलिया ओपनविजेता श्रीकांत याने जागतिक क्रमवारीत दहाव्या स्थानावर असलेला चीनचा टियान होवेई याचा २१-१५, १२-२१, २१-११ अशा फरकाने पराभव केला. आठवा मानांकित श्रीकांतला आता पुढील फेरीत हाँगकाँगचा हू यून याचे आव्हान असेल. उभय खेळाडूंचा परस्परांविरुद्धचा रेकॉर्ड २-२ असा आहे. अमेरिकन ओपन ग्रॅण्डप्रिक्स चॅम्पियन एच. एस. प्रणय आणि सय्यद मोदी ग्रॅण्डप्रिक्सविजेता समीर वर्मा यांनी सरळ विजयाची नोंद करून पुढील फेरी गाठली. प्रणयने डेन्मार्कचा अँडर्स अँटोन्सन याच्यावर २१-१२, २१-१४ ने, तर समीरने थायलंडचा खोसिक फेटप्रदाब याच्यावर ४० मिनिटांत २१-१२, २१-१९ ने विजय नोंदविला.समीरचा मोठा भाऊ सौरभ वर्मा हा सातवा मानांकित आणि दोन वेळचा आॅलिम्पिक चॅम्पियन चीनचा लिन दान याच्याकडून २१-११, १५-२१, १३-२१ अशा फरकाने पराभूत होताच स्पर्धेबाहेर पडला. सात्त्विक साईराज रंकीरेड्डी-अश्विनी पोनप्पा यांनी मिश्र गटात पहिला अडथळा पार केला. या जोडीने थायलंडच्या टिन इसरियानेत-पांचापूर चोचुवोंग यांच्यावर २१-१७, २१-१३ ने विजय नोंदविला. सात्त्विक-चिराग शेट्टी या जोडीला पुरुष दुहेरीत पराभवाचे तोंड पाहावे लागले. इंडोनेशियाची जोडी मार्क्सगिडोन-संजयासुकामुलयो यांच्याकडून त्यांचा २५-२७, १५-२१ असा पराभव झाला. मनू अत्री-बी. (वृत्तसंस्था)