लोकमत न्यूज नेटवर्कबीड : वडवणी शहरातील चिंचवण रोडवर अवैधरित्या साठवून ठेवलेल्या फटाक्यांच्या गोडाऊनवर छापा टाकला. यामध्ये तब्बल दहा लाख रूपयांचे फटाके जप्त करून मालकाला ताब्यात घेतले आहे. ही कारवाई पोलीस अधीक्षक जी.श्रीधर यांच्या विशेष पथकाने सोमवारी रात्री साडेसात वाजेच्या सुमारास केली.वडवणी शहरात चिंचवण रोडवर एका जनरल स्टोअर्स आहे. बाजुलाच फटाक्यांचे गोडावून आहे. पोलिसांनी स्टींग आॅपरेशन करीत फटाके घेण्याच्या बहाण्याने तिकडे नेले. सर्व खात्री पटताच बाजुला दबा धरून बसलेल्या अधिकारी, कर्मचाऱ्यांना पाचारण केले आणि जवळपास १० लाख रुपयांचे फटाके जप्त केले. त्यांना मालकासह सर्व फटाके वडवणी पोलीस ठाण्यात आणण्यात आले. याप्रकरणी उशिरापर्यंत गुन्हा दाखल करण्याची प्रक्रिया सुरू होती.ही कारवाई पोलीस अधीक्षक जी. श्रीधर यांच्या मार्गदर्शनाखाली पोउपनि रामकृृष्ण सागडे, पांडुरंग देवकते, दुधाने, वरपे, गणेश नवले, जयराम उबे आदींनी केली.
वडवणीत १० लाखांचे फटाके जप्त
By लोकमत न्यूज नेटवर्क | Published: April 09, 2019 12:36 AM