परळी : शहरातील रेल्वे स्थानक परिसरातील शिवाजीनगर भागात एका व्यक्तीला मारहाण करून मोबाईल लंपास केल्याची घटना ४ सप्टेंबर रोजी घडली होती. जबरी लूट करणाऱ्या आरोपींचा छडा लावण्यात संभाजीनगर पोलिसांना १५ सप्टेेंबर रोजी यश आले. तिघांना जेरबंद करण्यात आले आहे.
शहरातील अशोकनगरातील रहिवासी नेमीनाथ कांबळे हे ४ सप्टेंबर रोजी सकाळी साडेनऊ वाजेच्या सुमारास शिवाजीनगर भागात मंदिरात दर्शनास आले होते. यावेळी त्यांना तिघांनी मारहाण करून जखमी केले व नऊ हजार रुपये किमतीचा मोबाईल हिसकावून पोबारा केला. संभाजीनगर पोलिसांनी तपास करून तिघांना पकडले. सिद्धार्थ ऊर्फ पिंटू देवडे (वय ३७, रा. अशोकनगर, परळी), रोहित ऊर्फ सोनू घोडके (२०) व अल्ताफ सादेक शेख (१९, दोघे रा. अंबाजोगाई ) यांचा समावेश आहे. उपनिरीक्षक सी. एच. मेंडके, जमादार व्यंकट भताने, विष्णू सानप, मोहन दुर्गे यांनी ही कारवाई केली आहे.
...
सहा दिवसांची पोलीस कोठडी
तिन्ही आरोपींना दि. ६ रोजी न्यायालयात हजर केले असता २१ सप्टेंबरपर्यंत पोलीस कोठडीत ठेवण्याचे आदेश दिले, अशी माहिती पोलीस निरीक्षक सुरेश चाटे यांनी दिली.
नऊ हजार रुपयांच्या मोबाईलसाठी तिघांना कारागृहाची हवा खावी लागली आहे.