बीड : कोविडविषयक प्रतिबंधात्मक उपाययोजना राबविताना बीड पंचायत समिती अंतर्गत येळबंघाट व खापरपांगरी ग्रामपंचायतचे ग्रामविकास अधिकारी मनोजकुमार जोशी यांचे कोविड-१९ आजारामुळे उपचारादरम्यान अकाली निधन झाले होते. जोशी कुटुंबावर मोठा दुःखाचा आघात झाल्याने महाराष्ट्र राज्य ग्रामसेवक युनियन डीएनई १३६ तालुका शाखा बीडच्या वतीने मदतीच निर्णय घेतला. गटविकास अधिकारी राजेंद्र मोराळे, पंचायत व कृषी विभागाचे विस्तार अधिकारी, ग्रामसेवक व ग्रामविकास अधिकाऱ्यांनी प्रतिसाद देत सद्‌भावनेची परंपरा कायम ठेवली. एक लाख पाच हजार रुपयांचा धनादेश दिवंगत मनाेज जोशी यांच्या पत्नी व मोठे बंधू यांच्याकडे सुपूर्द करण्यात आला. यावेळी विस्तार अधिकारी शेळके, युनियनचे जिल्हा सरचिटणीस भगवानराव तिडके,उपाध्यक्ष मधुकर शेळके, कल्याणराव राऊत ,बीड तालुकाध्यक्ष सखाराम काशीद,सचिव भाऊसाहेब मिसाळ, सहसचिव प्रवीण तेलप, वाघमारे आदी उपस्थित होते.
===Photopath===
090621\041309_2_bed_33_09062021_14.jpeg
===Caption===
ग्रामसेवक युनियनतर्फे मदत