रॅकेट सक्रिय
माजलगाव : शहरातील प्रमुख भागातील दुचाकी चोरी होण्याचे प्रमाण वाढले आहे. गाडी चोरी गेल्यानंतर तक्रारी दाखल होतात. एफआयआर दाखल होतो. मात्र, पोलिसांना चोरांचा माग लागत नसल्याचे चित्र आहे.
नियमांची ऐशीतैशी
अंबाजोगाई : अंबाजोगाई शहर व परिसरात दुचाकी वाहनचालक व ऑटोरिक्षाचालक नियमांचे उल्लंघन करताना दिसून येत आहेत. शहरी व ग्रामीण भागात हे चित्र पाहायला मिळत आहे. पार्किंगही रस्त्यावर होत आहे.
सिग्नल सुरू करा
बीड : शहरातील मुख्य चौकात असलेली सिग्नल व्यवस्था अनेक महिन्यांपासून बंद अवस्थेत आहे. त्यामुळे अनेकवेळा वाहनधारक, नागरिकांतून सिग्नल सुरू करण्याची मागणी होत आहे. परंतु, याची दुरूस्ती झालेली नाही.
रस्ता दुरुस्त करा
बीड : आष्टी तालुक्यातील बेलगाव येथील खोटेवस्तीवर जाणाऱ्या अंतर्गत रस्त्याची पावसाने दुरवस्था झाली आहे. त्यामुळे नागरिकांना मोठी कसरत करावी लागत आहे.