लोकमत न्यूज नेटवर्कबीड : इंडियन प्रिमियर लिगच्या सामन्यादरम्यान मोबाईलवरुन सट्टा घेणाऱ्या दोघांना ताब्यात घेण्यात आले. पोलीस अधीक्षकांच्या विशेष पथकाने शहरातील बुंदेलपुरा भागात शुक्रवारी रात्री ही कारवाई केली.सुजित बब्रुवाहनसिंग बुंदेले व अमित जयभगवान अग्रवाल अशी ताब्यात घेतलेल्यांची नावे आहेत. या कारवाईत एक लॅपटॉप, १० मोबाईल व नगदी १३५० रुपये असा एकुण ८० हजार ८५० रुपयांचा मुद्देमाल जप्त करण्यात आला आहे. या प्रकरणी बीड शहर पोलीस ठाण्यात गुन्हा दाखल करण्यात आला. दरम्यान यापूवीर्ही बीडमध्ये आयपीएल क्रिकेट सामन्यांवर सट्टा खेळणाऱ्यांना पोलीसांनी अटक केलेली होती.ही कारवाई पोलीस अधीक्षक जी.श्रीधर, अप्पर अधीक्षक विजय कबाडे यांच्या मार्गदर्शनाखाली प्रशिक्षणार्थी पोलीस उपाधीक्षक रोशन पंडित, उपनिरीक्षक रामकृष्ण सागडे, पो.ना.पांडुरंग देवकते, पो.कॉ. अंकुश वरपे, गणेश नवले, जयराम उबे यांनी केली.
आयपीएलवर सट्टा; २ ताब्यात
By लोकमत न्यूज नेटवर्क | Published: March 31, 2019 12:16 AM