पाणीपातळीत घट
बीड : तालुक्यात गेल्या काही दिवसांपासून उन्हाची तीव्रता मोठ्या प्रमाणात वाढत चालली आहे. कडक उन्हाळा जाणवू लागला आहे. त्याचा परिणाम म्हणून विहिरी व विंधन विहिरींच्या पाणीपातळीवर परिणाम होऊ लागला आहे. काही भागांत विहिरींनी तळ गाठला आहे.
रस्त्यावर स्टंटबाजी
अंबाजोगाई : शहरात सध्या कोरोनाच्या वाढत्या प्रादुर्भावामुळे रात्रीच्या वेळी संचारबंदी लागू करण्यात आली आहे. संचारबंदी असतानाही युवक रात्रीच्या वेळी दुचाकीवर ट्रिपलसीट बसून विविध कसरती करणे, क्रिकेट खेळण, स्पर्धा लावणे अशी स्टंटबाजी करीत आहेत.
अवाजवी वीज बिले
बीड : गेल्या अनेक दिवसांपासून जे वीज बिल दिले जात आहे ते अनेकदा रीडिंग न घेताच दिले जाते. ग्रामीण भागात तर हा प्रकार सर्रास सुरू आहे. परिणामी वीज बिल मोठ्या प्रमाणात येत आहे. याबाबत विचारणा केल्यास उडवाउडवीची उत्तरे दिली जातात.