बाजोगाई : शहरात काही दिवसांपासून युवक रात्रीच्यावेळी दुचाकीवर ट्रिपलसीट बसून विविध प्रकारची स्टंटबाजी करत आहेत. यामुळे येणाऱ्या-जाणाऱ्यांना याचा त्रास होत आहे. यावर नियंत्रणाची मागणी होत आहे.
कठडे तुटले
बीड : नगर-बीड रस्त्यावरील धानोरा, अंभोराफाटादरम्यान रस्त्याच्या वळणावर असलेले संरक्षक कठडे तुटले आहेत. संरक्षक कठडे तुटल्याने अपघाताचा धोका वाढला आहे. कठडे दुरुस्तीची मागणी होत आहे.
शाळेत स्वच्छतेची मागणी
बीड : जिल्ह्यातील जिल्हा परिषद शाळा अनेक दिवसांपासून बंद आहेत. त्यामुळे शाळेच्या आवारात स्वच्छता केलेली नाही. तरी शाळा परिसर स्वच्छ करण्याची मागणी पालकांतून होत आहे.
पाण्याची नासाडी
बीड : शहरात अनेक भागात पाणी मुबलक प्रमाणात मिळत आहे. उन्हाळ्यातही पाणी टंचाई भासत नाही. त्याची नागरिकांना किंमत नसल्यासारखे झाले आहे. ज्यावेळी पाणीपुरवठा सुरू असतो. त्यावेळी मोठ्या प्रमाणात पाणी वाया जात आहे.