बीड : गावातील मंदिरातील दगडी मूर्ती ढकलून देऊन अर्धवट भाग मंदिराच्या बोहर टाकून विटंबना करून भावना दुखावल्याप्रकरणी लक्ष्मण सोमिनाथ सानप यांच्या फिर्यादीवरून बाळकृष्ण बाबूराव सांगुळेविरुद्ध बीड ग्रामीण पोलीस ठाण्यात गुन्हा दाखल करण्यात आला.
---------
मालवाहू रिक्षाची दुचाकीला धडक, एक ठार
बीड : मालवाहू रिक्षाने दुचाकीला धडक दिल्याने दुचाकीस्वार मधुकर सखाराम कंठाळे (५५) हे ठार झाल्याची घटना १२ जुलैला रोहतवाडी नायगाव घाटाच्या वळणावर डोमरीजवळ घडली. याप्रकरणी बाजीराव सखाराम कंठाळे यांच्या फिर्यादीवरून मालवाहू वाहनाचा चालक कुमार मोहन अडागळेविरुद्ध गुन्हा दाखल करण्यात आला. तपास सपोउपनि पेटकर करत आहेत.
-----
बांधकामासाठी आणलेल्या जाळ्या चोरल्या
बीड : गाळ्याचे बांधकाम करण्यासाठी तयार करून ठेवलेल्या २० लोखंडी जाळ्या एका रिक्षाचालकाने चोरून नेल्याची घटना गेवराई येथे ९ जुलैला घडली. अर्धा टन जाळ्यांची किंमत २२ हजार रुपये असून सुनील काशीनाथराव काळे यांनी १३ जुलैला दिलेल्या फिर्यादीवरून रिक्षाचालक एम.एच.१७ टी २४५२ च्या चालकाविरुद्ध गुन्हा दाखल करण्यात आला आहे.