धारूर : कापूस घेऊन तेलगावकडे जाणारी मालवाहू जीप आणि धारूरकडे येणाऱ्या दुचाकीची समोरासमोर धडक डोऊन झालेल्या अपघातात दोघे गंभीर जखमी झाले. हा अपघात बुधवारी सकाळी घडला.
तालुक्यातील अंजनडोह येथील हनुमंत कांबळे हे त्यांच्या मालवाहू जीपमधून (एमएच २० - डीई २७८२) कापूस घेऊन धारूर घाटातून तेलगावकडे जात होते; तर तेलगावकडून दुचाकी (एमएच २१ - जे ६५२३) येत होती. धारूर घाटात अवघड वळणावर दोन्ही वाहनांची समोरासमोर धडक झाली. या अपघातात जीपचालक हनुमंत कांबळे व दुचाकीस्वार इरफान मुसा पठाण (रा. माजलगाव) हे दोघे गंभीर जखमी झाले. धारूर येथील ग्रामीण रुग्णालयात प्राथमिक उपचारांनंतर पुढील उपचारासाठी अंबाजोगाई येथील रुग्णालयात हलविण्यात आले. धारूर पोलीस ठाण्यात अपघाताची नोंद करण्यात आली आहे.
===Photopath===
050521\img-20210505-wa0105_14.jpg~050521\anil mhajan_img-20210505-wa0097_14.jpg