Numerology: ज्योतिषशास्त्राच्या अनेक शाखा आहेत. केवळ जन्मकुंडली नाही, तर हस्तरेषा, स्वप्नशास्त्र, अंकशास्त्र, समुद्रशास्त्र यातूनही भविष्यकथन करता येते. अंकशास्त्रात जन्मतारखेवर आधारित मूलांकावरून व्यक्तीचा स्वभाव, वैशिष्ट्य, भविष्यकथन केले जाते. जसा प्रत्येक राशीचा स्वामी असतो, तसेच प्रत्येक मूलांकालाही ग्रहांचे स्वामित्व बहाल केलेले आहे.
एखाद्या व्यक्तीच्या जन्मतारखेवरून त्या व्यक्तीचा मूलांक काढला जातो. १ ते ९ या अंकांचे वर्णन अंकशास्त्रात उपलब्ध आहे. नियमित अंतराने ग्रह एका राशीतून दुसऱ्या राशीत गोचर करत असतात. ग्रहांच्या राशीपरिवर्तनाने अनेक योग, शुभ योग, राजयोग जुळून येत असतात. काही योग अतिशय शुभ तर काही योग प्रतिकूल मानले जातात. ग्रहांच्या गोचराचा राशींप्रमाणे मूलांकांवरही परिणाम, प्रभाव पडत असतो. जून महिन्यात नवग्रहांपैकी सहा ग्रहांचे गोचर होणार आहे. याचा सर्वाधिक फायदा तीन मूलांकांच्या व्यक्तींना होऊ शकतो, असे सांगितले जात आहे. तुमचा मूलांक कोणता? कोणत्या मूलांकांना जूनचा महिना लकी, सुख-समृद्धीकारक ठरू शकतो, ते जाणून घेऊया....
वेतनवाढ आणि पदोन्नती मिळू शकते
ज्या व्यक्तींचा जन्म ३, १२, २१, ३० या तारखांना झाला असेल, तर त्यांचा मूलांक ३ आहे. या मूलांकाचा स्वामी गुरु आहे. आताच्या घडीला गुरु ग्रह वृषभ राशीत असून, जून महिन्यात गुरु ग्रहाचा उदय होणार आहे. या कालावधीत नोकरदारांना वेतनवाढ आणि पदोन्नती मिळू शकते. नवीन नोकरीच्या शोधात आहेत, त्यांना या काळात चांगल्या संधी मिळू शकतात. एकूणच फायदेशीर ठरू शकतो. अनपेक्षित पैसे मिळण्याची शक्यता आहे. उत्पन्नाचे नवीन स्रोत निर्माण होऊ शकतील. गुंतवणुकीतून फायदा होण्याची शक्यता आहे.
नशिबाची साथ मिळू शकते
ज्या व्यक्तींचा जन्म ५, १४, २३ या तारखांना झाला असेल, तर त्यांचा मूलांक ५ आहे. या मूलांकाचा स्वामी बुध आहे. मे महिन्याच्या अखेरीस बुध वृषभ राशीत प्रवेश करत असून, गुरु, सूर्य, शुक्र या ग्रहांसोबत बुधाची युती होऊन जून महिन्यात अनेक प्रकारचे शुभ योग निर्माण होत आहे. काही शुभ योग राजयोगाप्रमाणे फले देऊ शकतात. आगामी काळ अनुकूल सिद्ध होऊ शकतो. नशिबाची पूर्ण साथ मिळणार आहे. उच्च शिक्षण घेऊ इच्छिणाऱ्यांसाठीही काळ चांगला राहू शकेल. मुलांशी संबंधित काही चांगली बातमी मिळू शकते. वाहन किंवा मालमत्ता खरेदी करू शकता.
उत्पन्नात वाढ होण्याची शक्यता
ज्या व्यक्तींचा जन्म ७, १६, २५ या तारखांना झाला असेल, तर त्यांचा मूलांक ७ आहे. या मूलांकाचा स्वामी केतु आहे. आगामी काळ फायदेशीर सिद्ध होऊ शकतो. व्यापारी वर्गाला चांगला आर्थिक लाभ होऊ शकतो. कामाच्या ठिकाणी नोकरदारांचा कर्मचाऱ्यांशी ताळमेळ चांगला राहू शकेल. सर्व काम सहज पूर्ण करू शकाल. बॉस कामावर खूश असेल. उत्पन्नात वाढ होण्याची शक्यता आहे. उत्पन्नाचे नवीन स्रोत निर्माण होऊ शकतील.
- सदर माहिती सामान्य गृहितके आणि ज्योतिषीय मान्यतांवर आधारित असून, तुमच्या मूलांकाविषयी जाणून घेण्यासाठी तज्ज्ञ व्यक्तींचा सल्ला उपयुक्त ठरू शकेल, असे सांगितले जाते.