गस्तीवर असलेल्या वनरक्षकाला मारहाण

भूषण साहेबराव पाटील (वय २९) असे वनरक्षकाचे नाव आहे. या प्रकरणात आराेपी नीलेश रामदास साेनटक्के (२८, रा. अंतरगाव, ता. लाखांदूर) याला अटक करण्यात आली आहे. बुधवारी वनरक्षक भूषण पाटील चाैकीदार हरिश्चंद्र समरत, रा. चिंचाेली यांच्यासाेबत गस्त घालीत हाेते. त्यावेळी अंतरगाव बीट कक्ष क्र. २७० येथे काही तरुण कालव्याच्या बाजूला चूल पेटवून स्वयंपाक करताना दिसून आले. हे तरुण तेथे मद्यप्राशन करून पार्टी करण्याच्या बेतात हाेते. यावेळी त्यांना कारवाई करताे असे म्हटले असता त्यातील नीलेश साेनटक्के हा तरुण वनरक्षक पाटील यांच्या अंगावर धावून गेला. तसेच त्यांना मारहाण केली. चाैकीदार समरत यांनी मध्यस्थी केली. त्यानंतर इतर वनकर्मचाऱ्यांना बाेलावून नीलेशला लाखांदूर पाेलिसांच्या हवाली केले. त्यावरून पाेलिसांनी अटक करून त्याच्याविरुद्ध भांदवि ३५३, ३३२, ५०६ कलमान्वये गुन्हा दाखल केला आहे. अधिक तपास ठाणेदार मनाेहर काेरेटी यांच्या मार्गदर्शनात सहायक पाेलीस निरीक्षक वीरसेन चहांदे करीत आहेत.