दुचाकीच्या धडकेत इसमाचा मृत्यू

दुचाकीने मुलाला सोडून घरी परतताना अज्ञात वाहनाने धडक दिल्याने झालेल्या अपघातात वडिलाचा मृत्यू झाला.

ठळक मुद्देशहापूर येथील घटना : अज्ञात चालकाविरूद्ध गुन्हा

लोकमत न्यूज नेटवर्कजवाहरनगर/शहापूर : दुचाकीने मुलाला सोडून घरी परतताना अज्ञात वाहनाने धडक दिल्याने झालेल्या अपघातात वडिलाचा मृत्यू झाला. ही घटना रात्री ९ वाजताच्या सुमारास राष्ट्रीय महामार्गावरील शहापूरजवळ घडली.कृष्णा नत्थु गभणे (६१) रा. ठाणा पेट्रोलपंप असे मृताचे नाव आहे. २३ आॅगस्ट रोजी तंटामुक्त गाव समितीच्या विजयी रॅलीत कृष्णा गभणे व त्यांचा मुलगा विनोद गभणे हे सहभागी होते. सर्व कामे आटोपल्यानंतर कृष्णा गभणे हे दुचाकी (क्र. जीए ०७ /डी ९९९६) ने विनोद गभणे यांना शहापूर येथे सोडण्यासाठी रात्री ८.४५ वाजता गेले. तिथून ठाणा पेट्रोलपंपकडे परत येताना अज्ञात वाहनाने त्यांच्या दुचाकीला धडक दिली. यात कृष्णा गभणे हे रस्त्यावर पडले. काही नागरिकांनी त्यांना शासकीय रूग्णालयात हलविले. प्रकृती गंभीर असल्यामुळे त्यांना नागपूरला हलविण्यात आले. मात्र मुजबी दरम्यान त्यांचे निधन झाले. नरेंद्र गभणे रा.खरबी (नाका) यांच्या तक्रारीवरून जवाहरनगर पोलिसांनी अज्ञात वाहन चालकाविरूद्ध गुन्हा दाखल केला आहे. तपास उपनिरिक्षक संदीप ताराम हे करीत आहेत.